કોઇપણ પ્રકારે ગુમ થનાર બાળકોને તાત્કાલીક શોધી તેના વાલી વારસને સોપી આપવા ઉચ્ચ અધિકારી દ્વારા સુચના કરવામાં આવી હોય દરમ્યાન મિશન મુસ્કાન અંતર્ગત બેડી મરીન પોલીસ સ્ટેશનનો સ્ટાફ પેટ્રોલીંગમાં હતો, દરમ્યાન બેડી ઇકબાલ ચોક ખાતે 11 વર્ષની દિવ્યાંગ બાળકી મળી આવતા તેને પોલીસ સ્ટેશને લાવી વાલી વારસની તપાસ કરી હતી અને બાળકીના ફોટા સોશ્યલ મિડીયામાં અપલોડ કરાયા હતા, દરમ્યાન બાળકીના વાલી દરેડ વિસ્તારમાં રહેતા અમરીશભાઇ કાપડી હોય જેને બોલાવી ખરાઇ કરતા બાળકી જનમથી બોલતી ન હોય અને સાંજના સુમારે સેન્ટ્રલ બેંક વિસ્તારમાં ખરીદી કરવા આવેલ ત્યારે વિખુટી પડેલ હોય ત્યાથી બેડી વિસ્તાર ચોકમાં પહોચી ગઇ હોવાનું બહાર આવ્યુ હતું દરમ્યાન વાલી વારસને બાળકી સોપી આપવામાં આવી હતી.