સ્થળાંતરિત કામદારોના અધિકારોનું રક્ષણ સુનિશ્ચિત કરવા માટે સરકાર દેશભરમાં મકાન અને બાંધકામ કામદારો માટે યુનિક આઈડી કાર્ડ જારી કરશે. જે તમામ કામદારો માટે ફરજિયાત રહેશે. તેને મજુરોના આધાર કાર્ડ સાથે જોડવામાં આવશે અને ઈ–શ્રમ ડેટાબેઝ સાથે લિંક કરવામાં આવશે. આ અંગેની જાહેરાત આવતા અઠવાડિયે થઈ શકે છે.


ઓલ ઈન્ડિયા એમ્પ્લોયર્સ ઓર્ગેનાઈઝેશન અને ઈન્ડસ્ટ્રી બોડી એફઆઈસીસીઆઈ દ્રારા ઈન્ટરનેશનલ લેબર ઓર્ગેનાઈઝેશનના સહયોગથી દિલ્હીમાં આયોજિત ધ માઈગ્રેશન કોન્કલેવમાં શ્રમ સચિવ આરતી આહત્પજાએ કહ્યું કે કાર્ડથી કામદારોને સરકારી યોજનાઓનો લાભ સરળતાથી મળશે એટલું જ નહીં પરંતુ કોન્ટ્રાકટરો પર લગામ કસવી શકય બનશે. સરકાર ગરીબો, મજૂરો અને ખેડૂતોના લાભ માટે યોજનાઓ લાવે છે, પરંતુ ઘણી વખત તેનો લાભ લોકો સુધી પહોંચી શકતો નથી. તેમના માટે આ કાર્ડ હથિયાર તરીકે કામ કરશે. બાંધકામ સાથે જોડાયેલા કાર્યેામાં પરપ્રાંતિય મજૂરોને તેનો વિશેષ ફાયદો મળશે.

યોજનાઓ કામદારોના હિત માટે બનાવેલ હોય છે પરંતુ કોન્ટ્રાકટરો કાયદાનું પાલન કરતા નથી. તેથી ફરજીયાત કાર્ડ બનવાથી સરકારના કોન્ટ્રાકટરોએ નિયમોનું પાલન કરવું પડશે.