જો કોઈ વ્યક્તિ પોતાના જીવનમાં પ્રેમ મેળવવા માંગે છે, તો ઘણી વખત તેના માટે ઘણા પ્રયત્નો કરવા પડે છે. પ્રેમમાં દરેક વ્યક્તિ એટલા નસીબદાર નથી હોતા કે તેમને સરળતાથી પ્રેમ મળી જાય. કેટલાક લોકોને યોગ્ય જીવનસાથી શોધવામાં વર્ષો લાગે છે. જાપાનમાં રહેતા એક માણસ સાથે પણ આવું જ કંઈક બન્યું. જે પોતાના જીવનમાં 2000 ડેટ પર ગયો પણ છતાં તેને જીવનસાથી ન મળ્યો.

તે વ્યક્તિ તેના જીવનમાં લગભગ 2000 બ્લાઇન્ડ ડેટ્સ પર ગયો, જેનો અર્થ એ થયો કે તે 2000 છોકરીઓને મળ્યો છતાં તેને યોગ્ય જીવનસાથી ન મળી. છેવટે, તેણે હવે પોતાની ડેટિંગ એજન્સી ખોલી છે. જ્યારે યોશિયો તરીકે ઓળખાતા 44 વર્ષીય વ્યક્તિએ પોતાની વાત કહી, ત્યારે લોકો આશ્ચર્યચકિત થઈ ગયા. તેમણે પોતાના જીવનના 8 વર્ષ આ શોધમાં વિતાવ્યા.

અહેવાલ મુજબ, યોશિયોએ વિજ્ઞાનમાં માસ્ટર ડિગ્રી પૂર્ણ કરી હતી અને તે પછી તેણે પોતાના માટે જીવનસાથીની શોધમાં ડેટિંગ શરૂ કર્યું. તે તેના માતાપિતા સાથે રહેતો હતો અને તેની વાર્ષિક આવક 20 લાખ રૂપિયા હતી. યોશિયોએ જણાવ્યું કે તે 15 વર્ષ સુધી સિંગલ રહ્યો અને આ સમય દરમિયાન તે અલગ અલગ પ્લેટફોર્મ દ્વારા 2000 છોકરીઓને મળ્યો. બ્લાઇન્ડ ડેટ પર ગયા પછી તેને સમજાયું કે તેની ઓછી આવક અને તેના માતાપિતા સાથે રહેવાને કારણે કોઈ તેને પસંદ કરતું નથી. કેટલાક તેને પહેલી મુલાકાત પછી બ્લોક કરી દેતા અને કેટલાક બિલકુલ રસ દાખવતા નહીં.

ઘણી કોશિશ પછી તેને એક છોકરી મળી. જેની સાથે તેની સગાઈ થઈ ગઈ અને હવે તેઓ એક બાળકના માતા-પિતા છે. જોકે, આ પછી યોશિયોએ લોકોને મફત ડેટિંગ સલાહ આપી શકાય એ માટે યોશિયો મેરેજ લેબોરેટરી નામની ડેટિંગ એજન્સી ખોલી, જેથી તેમને તેના જેવી સમસ્યાઓનો સામનો ન કરવો પડે. હવે તે પ્રેમ શોધતા લોકોને એકબીજા સાથે મળાવે છે. તેની વાર્તા જોયા પછી સોશિયલ મીડિયા પર લોકોએ અલગ અલગ પ્રતિક્રિયા આપી. એક યુઝરે લખ્યું કે જો આટલી બધી ડેટ પર જવાને બદલે આવક વધારવા પર ધ્યાન આપ્યું હોત તો છોકરી મળી હોત.