મોડી રાત્રિથી મેઘરાજાની પધરામણી, અનેક વિસ્તારોમાં પાણી ભરાયાં

સલાયામાં પણ આજે મોડી રાત્રીથી મેઘરાજાની પધરામણી થઇ હતી. રાત્રીના ઝરમર ઝરમર વરસ્યા બાદ મોદી રાત્રિએ જોરદાર વરસાદ ચાલુ થયો હતો. જે વહેલી સવાર સુધી અઢી ઇંચ જેટલો વરસ્યો હતો.હાલ પણ આં લખાઈ રહ્યું છે ત્યારે ઝરમર ઝરમર ધીમીધારે વરસાદ ચાલુ છે. આ વરસાદથી લોકોએ ગરમીમાંથી રાહત અનુભવી છે. વાતાવરણ માં ઠંડક પશરી છે. ખેડૂતો પણ વાવણી લાયક વરસાદથી ખુશ ખુશાલ થઈ ગયેલ છે.અને જે ખેડૂતોએ વહેલી વાવણી કરી હતી એમના માટે તો આ વરસાદ કાચા સોના સમાન થયો છે. હાલ આ વાતાવરણ એવું જણાઈ રહ્યું છે કે હજુ વરસાદ ચાલુ જ રહેશે.આજે ચાલુ વરસાદે પણ લાઈટએ સાથ છોડયો નથી જેથી લોકોને પણ રાહત થઈ છે.