80 દાતાએ રકતદાન કર્યું: રકતદાન કેમ્પમાં એકત્રિત 24,000 સીસી રકત સરકારી બ્લડ બેન્કમાં અપાયું

ભારત-પાકિસ્તાન વચ્ચે તણાવભરી પરિસ્થિતિ વચ્ચે જરૂર પડયે મદદરૂપ થઇ શકાય તથા અગમચેતીના ભાગરૂપે ખંભાળીયા-ભાણવડમાં ખંભાળીયા પ્રાંત અધિકારી કે.કે.કરમટાના માર્ગદર્શનમાં બે કેમ્પો યોજાયા હતા. જે સાથે ખંભાળીયાની સરકારી બ્લડ બેંકમાં રક્ત આપવામાં આવ્યું હતું. ખંભાળીયામાં આ આપાતકાલીન સ્થિતિના આગોતરા આયોજન રૂપ રક્તદાન કેમ્પને સારો પ્રતિસાદ લોકોએ આપ્યો હતો. ખંભાળીયાના જલારામ મંદિરે યોજાયેલ કેમ્પ ઇન્ડિયન મેડિકલ એસોસિએશન, જલારામ સત્સંગ મંડળ તથા લાયન્સ કલબ અને રેડક્રોસ સંસ્થા દ્વારા યોજાયો હતો. જેમાં ઉત્સાહપૂર્વક 80 જેટલા રક્તદાતાઓએ ઉત્સાહથી રક્તદાન કર્યું હતું..

ડોકટર્સ એસો.ના ડો.જાદવ, જલારામ સત્સંગ મંડળના વિઠ્ઠલાણીભાઈ, લાયન્સના પ્રમુખ સાગર ભૂત તથા પરેશભાઈ મહેતા, હાડાભા જામ,રેડક્રોસના કિરીટભાઈ મજીઠીયા, વિ. જોડાયા હતા. તથા જિલ્લા આરોગ્ય અધિકારી ચિરાગ ચોલીસા, સરકારી બ્લડ બેંકના ડો.કનારા લખમણભાઈ, અગ્રણીઓ હિતેન્દ્રભાઈ આચાર્ય, વનરાજસિંહ વાઢેર, હસુભાઈ ધોળકિયા, પરેશભાઈ મહેતા, રૂપેશભાઈ ગોકાણી વગેરે જોડાયા હતા.