પૂર્વ અને દક્ષિણના રાયોમાં વરસાદ પડી રહ્યો છે. આવતીકાલે અને ત્યાર પછી શનિવારે એમ ઉપરાઉપરી બે વેસ્ટર્ન ડિસ્ટર્બન્સ સર્જાઇ રહ્યા હોવાના કારણે પૂર્વના અને દક્ષિણના રાયોમાં વરસાદની આગાહી કરવામાં આવી છે. તો બીજી બાજુ ગુજરાત સહિત દેશના અનેક રાયોમાં શિયાળો જાણે ગાયબ થઈ ગયો હોય તેમ ગરમીનું જોર વધી રહ્યું છે. ગુજરાતમાં ભાવનગર ઓખા વેરાવળ જેવા દરિયાકાંઠાના વિસ્તારોને બાદ કરતા સમગ્ર રાયમાં મહત્તમ તાપમાનનો પારો ૩૦ ડિગ્રીને પાર કરી ગયો છે. ડાંગમાં સોમવારે મહત્તમ તાપમાન ૩૪.૮ ડિગ્રી હતું જે સમગ્ર રાયમાં સૌથી ઐંચું છે. બીજા ક્રમે રાજકોટમાં મહત્તમ તાપમાન ૩૩.૫ ડિગ્રી નોંધાયું છે. દરમિયાનમાં આજે સવારે આકાશમાં લોઅર લેવલે રૂના ગાભા જેવા વાદળો જોવા મળ્યા હતા.
અમરેલીમાં ૩૧.૪ દ્રારકામાં ૩૧.૨ પોરબંદરમાં ૩૧.૬ સુરેન્દ્રનગરમાં ૩૨.૩ મહત્પવામાં ૩૩.૪ કેશોદમાં ૩૦.૫ નલિયામાં ૩૧.૮ ભુજમાં ૩૨.૩ ડીગ્રી મહત્તમ તાપમાન નોંધાયું છે. ગુજરાતના અન્ય શહેરોની વાત કરીએ તો અમદાવાદમાં ૩૦.૨ ડીસામાં ૩૦.૯ ગાંધીનગરમાં ૩૦.૫ વડોદરામાં ૩૧ સુરતમાં ૩૨.૨ ડિગ્રી મહત્તમ તાપમાન રહ્યું છે.
લઘુતમ તાપમાનમાં આજે સતત બીજા દિવસે જોરદાર ઉછાળો ચાલુ રહ્યો છે. નલિયામાં ગઈકાલે લઘુતમ તાપમાન ૯.૮ ડિગ્રી હતું તે આજે ૧૪ ડિગ્રીએ પહોંચી ગયું છે. આવી જ રીતે વેરાવળમાં ગઈકાલે ૧૩.૭ અને આજે ૧૭.૪ ડિગ્રી લઘુતમ તાપમાન રહ્યું છે. રાજકોટમાં બે ડિગ્રીના વધારા સાથે આજે ૧૪.૨ અને પોરબંદરમાં પણ બે ડિગ્રીના વધારા સાથે આજે ૧૫.૪ ડિગ્રી લઘુતમ તાપમાન રહ્યું છે. ઓખામાં આજનું લઘુતમ તાપમાન ૨૦.૬ દ્રારકામાં ૧૭ ભાવનગરમાં ૧૬.૮ અમરેલીમાં ૧૩.૮ ભુજમાં ૧૭.૮ ડિગ્રી રહેવા પામ્યું છે.
હવામાન ખાતાના જણાવ્યા મુજબ આવતીકાલે અને ત્યાર પછી શનિવારે ઉપરા ઉપરી બે વેસ્ટર્ન ડિસ્ટર્બન સર્જાઇ રહ્યા છે અને તેના કારણે હિમાલયન રીજીયન માં વરસાદ અને હિમવર્ષાની આગાહી કરવામાં આવી છે. આ ઉપરાંત દક્ષિણના રાયોમાં પણ વરસાદ માટે આગાહી કરવામાં આવી છે.