રાજકોટ શહેરને તો રસ્તે રખડતા ઢોરના ત્રાસથી મહદ અંશે મુકિત મળી ગઇ છે અને હવે ભાગ્યે જ શહેરના કોઈ મુખ્યમાર્ગેા ઉપર રખડતા ઢોર નજરે પડે છે, બીજીબાજુ પશુપાલકોના ઢોરને મહાનગરપાલિકા દ્રારા શહેરની ભાગોળેની જે એનિમલ હોસ્ટેલ્સમાં રાખવામાં આવી રહ્યા છે ત્યાં આગળ અપરંપાર અસુવિધાઓને કારણે હાલ ચોમાસાની ઋતુઓમાં પશુઓની હાલત માઠી થઇ ગઇ છે. દરમિયાન તાજેતરમાં પશુપાલકોએ મવડી– કણકોટની એનિમલ હોસ્ટેલના વીડિયો સોશયલ મીડિયામાં પોસ્ટ કર્યા હતા જેમાં બેફામ ગંદકી વચ્ચે ભાંભરડા નાખતા અબોલ જીવો દ્રશ્યમાન થયા હતા.
રાજકોટ મહાનગરપાલિકાની એનિમલ હોસ્ટેલમાં ઘોર બેદરકારી દાખવવામાં આવી રહી હોવાનું તેમજ અબોલ જીવો ભાંભરડા નાખી રહ્યા હોવાનું માલુમ પડતા ભરવાડ સમાજના પ્રમુખ ભીખાભાઇ પડસાળીયા, રણજીતભાઇ મુંધવા, જીલેશભાઇ ટોટા, અજયભાઇ મુંધવા સહિતના માલધારી આગેવાનોએ એનિમલ હોસ્ટેલ ખાતે દોડી ગયા હતા ત્યારે ત્યાં આગળ અબોલ જીવોને વેઠવી પડતી યાતનાઓ નિહાળી તેઓ દ્રવી ઉઠા હતા અને મવડી–કણકોટની એનિમલ હોસ્ટેલની દુર્દશાના વીડિયો પણ વોટસ એપ સહિતના સોશ્યલ મીડિયામાં શેર કર્યા હતા. માલધારી આગેવાનોએ ઉપરોકત મામલે તાકિદે યોગ્ય કાર્યવાહી કરવા મહાનગરપાલિકામાં રજુઆત કરી હતી. રાજકોટ મહાનગરપાલિકાના પદાધિકારીઓ અને ઉચ્ચ અધિકારીઓ એનિમલ હોસ્ટેલની સાઈટ વિઝીટ કરી તાત્કાલિક ધોરણે પ્રશ્નો ઉકેલે તેવી પ્રબળ માંગણી પશુપાલકોમાંથી ઉઠવા પામી છે
માખી-મચ્છરના અસહ્ય ઉપદ્રવથી યાતના
મવડી-કણકોટની એનિમલ હોસ્ટેલમાં બેફામ ગંદકી તેમજ હાલ ચોમાસામાં વરસાદના કારણે ગારો-કિચડ સર્જાતાં માખી અને મચ્છરનો બેફામ ઉપદ્રવ થયો છે જેના કારણે મૂંગા જીવો શાંતિથી બેસી કે ઉભા પણ રહી શકતા નથી. સમગ્ર શહેરમાં ચાલતી સ્વચ્છતા ઝુંબેશની અહીં કોઇ જ અસર નથી.
અવેડામાં લીલ-સેવાળ, પોરા અને જીવાતો
મવડી-કણકોટની એનિમલ હોસ્ટેલમાં પશુઓને પાણી પીવા માટેનો અવેડો મહિનાઓથી સાફ કરાયો ન હોય તેમાં અંદર અને બહાર લીલ- સેવાળ જામી ગયા છે અને પાણીમાં પોરા તેમજ જીવાતો તરતી હોય પશુઓ પેટ ભરીને પૂરું પાણી પણ પી શકતા નથી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationછત્તીસગઢમાં મોટું એન્કાઉન્ટર, અત્યાર સુધીમાં 32 નક્સલવાદીના મોત, હથિયારોનો મળી આવ્યો જથ્થો
October 04, 2024 09:28 PMકલેકટર પ્રભવ જોશીની અધ્યક્ષતામાં ડિસ્ટ્રિક્ટ રોડ સેફટી કાઉન્સિલની યોજાઈ બેઠક
October 04, 2024 09:01 PMરાજ્યભરની આરટીઓમાં શનિવાર 5 ઓક્ટોબરે ટ્રેક ડ્રાઈવિંગ ટેસ્ટ નહીં લેવાય
October 04, 2024 08:59 PMPM Kisan Yojana 18th Installment: આવતીકાલે ખાતામાં પૈસા આવશે, 1.75 લાખ ખેડૂતોને 18મો હપ્તો મળશે
October 04, 2024 08:52 PMCopyright © 2023-2024 Aajkaal Daily
Developed by Rhythm Infotech