ન્યૂઝીલેન્ડના ભૂતપૂર્વ ઓપનર માર્ટિન ગુપ્ટિલે ભારતમાં ચાલી રહેલી લિજેન્ડસ લીગ ૨૦૨૪માં બુધવારની રાત્રે ૨ ઓકટોબરે ધમાલ મચાવી હતી. તેમને ઈરફાન પઠાણની આગેવાની હેઠળની ટીમના બોલરોને એવી રીતે ફટકાર્યા કે આખી ટીમ તેને લાંબા સમય સુધી યાદ રાખશે. આ ઇનિંગમાં ગુપ્ટિલે ૫૪ બોલનો સામનો કર્યેા હતો અને ૯ ચોગ્ગા અને ૧૧ છગ્ગાની મદદથી ૧૩૧ રનની અણનમ ઇનિંગ રમી હતી. આ સમયગાળા દરમિયાન તેનો સ્ટ્રાઈક રેટ ૨૪૨.૫૯ હતો. આ ઇનિંગમાં ગુપ્ટિલે એક ઓવરમાં ૫ સિકસર અને ૧ ફોરની મદદથી કુલ ૩૪ રન બનાવ્યા હતા. ગુપ્ટિલે ૪૮ બોલમાં પોતાની સદી પૂરી કરી હતી.
લિજેન્ડસ લીગ ૨૦૨૪ની ૧૨મી મેચ કોણાર્ક સૂર્ય ઓડિશા અને સાઉથર્ન સુપર સ્ટાર્સ વચ્ચે રમાઈ હતી. આ મેચમાં પ્રથમ બેટિંગ કરતા ઈરફાન પઠાણની કોણાર્ક સુર્યાસ ઓડિશાએ ૨૦ ઓવરમાં ૯ વિકેટ ગુમાવીને ૧૯૨ રન બનાવ્યા હતા. ટીમને આ સ્કોર સુધી લઈ જવામાં ઓપનર રિચર્ડ લેવીએ મહત્વની ભૂમિકા ભજવી હતી, જેણે ૩૦૦ના સ્ટ્રાઈક રેટથી ૨૧ બોલમાં ૬૩ રનની શાનદાર ઈનિંગ રમી હતી. માર્ટિન ગુપ્ટિલની તોફાની ઇનિંગ્સે સાઉથર્ન સુપર સ્ટાર્સ માટે આ સ્કોર ખૂબ જ નાનો બનાવી દીધો હતો. સાઉથર્ન સુપર સ્ટાર્સે માત્ર ૧૬ ઓવરમાં ૨ વિકેટ ગુમાવીને આ લયનો પીછો કરી લીધો હતો. માર્ટિન ગુપ્ટિલે તેની ઇનિંગ દરમિયાન સતત બે વખત સ્ટેડિયમની બહાર બોલ લીધો હતો. આ ઘટનાનો વીડિયો પણ સોશિયલ મીડિયા પર વાયરલ થઈ રહ્યો છે. ગુપ્ટિલના આ શાનદાર પ્રદર્શનના આધારે સાઉથર્ન સુપર સ્ટાર્સની ટીમે એલએલસી ૨૦૨૪માં જીતના પજાં ખોલ્યા હતા. સાઉથર્ન સુપર સ્ટાર્સ ટુર્નામેન્ટમાં અત્યાર સુધી એકપણ મેચ હારી નથી અને ટીમ સતત ૫ જીત સાથે પોઈન્ટ ટેબલમાં ટોચ પર છે