ઘરની તપાસમાં વિદેશી દારૂ મળી આવ્યો..!!: ખંભાળિયાનો શખ્સ મોબાઈલમાં તીનપતી ગેમ રમતા ઝડપાયો

ખંભાળિયામાં શક્તિનગર વિસ્તારમાં રહેતા અને ડ્રાઈવિંગ કામ કરતા ભીખુ રાયા ધારાણી નામના 33 વર્ષના શખ્સને પોલીસે તેના ઘરેથી મોબાઈલ ફોનમાં ચોક્કસ એપ્લિકેશન ડાઉનલોડ કરી અને જુગાર રમતા મુદ્દામાલ સાથે ઝડપી લીધો હતો.

એટલું જ નહીં, અહીં કરવામાં આવેલી તપાસ દરમિયાન તેના ઘરમાંથી પોલીસને રૂપિયા 4,000 ની કિંમતની દારૂની નાની-મોટી 15 બોટલ પણ મળી આવી હતી. જે અંગે પોલીસે ઉપરોક્ત શખ્સ સામે જુગારધારા તેમજ પ્રોહીબીશન એક્ટની જુદી જુદી કલમ હેઠળ ગુનો નોંધ્યો છે. આ પ્રકરણમાં આગળની તપાસ હેડ કોન્સ્ટેબલ આર.જે. હુણ ચલાવી રહ્યા છે.

ખંભાળિયામાં ધોરીવાવ સ્કૂલ પાસે રહેતા કિરીટ કરશન નકુમ નામના 38 વર્ષના શખ્સને પોતાના મોબાઈલમાં તીનપતી ગેમનો જુગાર રમતા ઝડપી લઇ, પોલીસે રૂપિયા 5,000 ની કિંમતનો મોબાઈલ ફોન કબજે કરીને ગુનો નોંધ્યો છે.