નિષ્ણાતો ઘણીવાર સ્કીન કેર માટે દિનચર્યામાં ગુલાબજળનો સમાવેશ કરવાની ભલામણ કરે છે. જો તમે પણ ત્વચાને ચમકદાર, નિષ્કલંક અને દોષરહિત બનાવવા માંગો છો, તો ઘરે જ શુદ્ધ ગુલાબજળ બનાવવાનો પ્રયાસ કરો. ઘરે બનાવેલ ભેળસેળ વગરનું ગુલાબજળ ત્વચા માટે વરદાન રૂપ સાબિત થશે. જાણો ઘરે ગુલાબ જળ બનાવવાની રીત:

સ્ટેપ 1 - ઘરે ગુલાબજળ બનાવવા માટે સૌથી પહેલા તાજી ગુલાબની પાંખડીઓને સારી રીતે સાફ કરવી પડશે.

સ્ટેપ 2 - હવે એક તપેલીમાં બે-ત્રણ કપ સ્વચ્છ પાણી અને તાજા ગુલાબની પાંખડીઓ નાખો.

સ્ટેપ 3 - ગુલાબની પાંખડીઓ યોગ્ય રીતે ડૂબી શકે તેટલું પાણી ભરેલું હોવું જોઈએ. પાણીની માત્રા વધુ કે ઓછી ન હોવી જોઈએ.

સ્ટેપ 4 - હવે તપેલીને મધ્યમ આંચ પર રાખો અને પાણીને ઉકાળો. આ પાણીને વધારે ઉકાળવાની જરૂર નથી.

સ્ટેપ 5 - ધીમે ધીમે પાણીમાં ગુલાબની પાંખડીઓનો રંગ દેખાવા લાગશે. ગુલાબની પાંદડીઓનો રંગ પાણીમાં સારી રીતે ભળી જવા દો.

સ્ટેપ 6 - હવે ગેસ બંધ કરો અને આ પાણીને ગાળી લો. આ ઘરે બનાવેલા ગુલાબજળને કોઈપણ સ્વચ્છ બોટલમાં સ્ટોર કરી શકો છો.

ગુલાબજળ ત્વચાના સ્વાસ્થ્યને ઘણી હદ સુધી સુધારી શકે છે. આ સિવાય આંખોમાં ગુલાબજળ નાખવાની પણ સલાહ આપવામાં આવે છે. બજારમાંથી ખરીદેલું ગુલાબ જળ ભેળસેળયુક્ત હોઈ શકે છે, તેથી ઘરે ગુલાબ જળ બનાવીને પણ અજમાવી શકો છો.