એનક વખત ગ્રામજનોએ રજુઆત કયર્િ છતા રસ્તો ન બનતા લોકોમાં ઉગ્ર રોષ: કોઇ રજુઆત સાંભળતુ નથી

ભાણવડના રાણપર ગામનો મેઇન રોડ લાંબા સમયથી ભંગાર હાલતમાં ફરેવાયો છે, સરકારી તંત્ર દાદ આપતું નથી, જેથી ગામનાં કિસાનોએ તંત્રનાં ભરોસે રહેવાને બદલે સંયુકત રીતે આર્થિક ભંડોળ ભેગુ કરી રસ્તાની મરામત કામગીરી શરુ કરી છે. સરકારી તંત્રની આ બાબતે ટીકા થઇ રહી છે.

ભાણવડ પોરબંદર હાઇવે માર્ગ ઉપર બરડા ડુૅંગરની ગોદમાં આવેલ રાણપર ગામને ઘણા સમયથી રોડ રસતા બાબતે ખુબ જ અન્યાય થતો હોવાની વ્યાપક ફરિયાદ ગ્રામજનોમાં થઇ રહી છે. ખાસ કરી રાણપર ગામનાં બસ સ્ટેશનથી વાડી વિસ્તાર સુધીનો રસ્તો ખુબ જ જર્જરીત બની ગયો છે. રસ્તો એટલી હદે ભૅગાર છે કે ઓળંગવામાં ગ્રામજનોને પારાવાર યાતના વેઠવી પડે છે. વળી રસ્તામાં શાળા, દવાખાનુ સહિત હોવાથી નાના બાળકો અને દર્દીઓની હાલત દયનીય બની જાય છે. ચોમાસા દરમ્ાયન વરસાદ પાણી હોવાથી જીવનાં જોખમે ગ્રામજનો રસ્તો પસાર કરે છે રસ્તાનાં નવીનીકરણ માટે કેટલીયે વખત ગ્રામજનોએ સરકારી તંત્રને રજુઆત કરી છે, પરંતુ ઉકેલની દિશામાં પગલા ભરાતા જ નથી. જેથી ગ્રામજનોમાં આ બાબતે કાયમી રોષ સાથે અસંતોષ રહ્યા કરે છે.

આમ થાકી કંટાળીને ગામનાં કીસાનોએ પોતાના ખર્ચે રોડ બનાવાનું નકકી કરી લીધુ છે. હાલમાં રોડનાં કામનો પ્રારંભ પણ થયો છે, આમ સરકારી તંત્રના ભરોષે રહેવાને બદલે કિસાનો સંયુકત રીતે આર્થિક ભંડોળ ભેગુ કરી રસ્તો બનાવી રહ્યા છે. સરકારી તંત્રની આ બાબતે લોકોમાં ટીકાઓ થઇ રહી છે.