વડાપ્રધાન નરેન્દ્રભાઈ મોદીના જન્મદિવસથી સ્વચ્છતા હી સેવા-૨૦૨૪ અભિયાનનો સમગ્ર દેશમાં પ્રારંભ થયો છે.જેના ભાગ‚પે પોરબંદર જિલ્લા વિકાસ અધિકારી કે.બી.ઠક્કરના માર્ગદર્શન અને જિલ્લા ગ્રામ વિકાસ એજન્સીના નિયામક રેખાબા સરવૈયાની આગેવાની હેઠળ પોરબંદર જિલ્લાના ગ્રામ્ય વિસ્તારોમાં સ્વચ્છતા હી સેવા ઝુંબેશ અંતર્ગત જુદી-જુદી કામગીરી કરવામાં આવી રહી છે.સ્વચ્છતા હી સેવા ૨૦૨૪ ઝુંબેશ અંતર્ગત પોરબંદર, રાણાવાવ અને કુતિયાણા તાલુકાના ગ્રામ્ય વિસ્તારમાં આવેલ ખાનગી અને સરકારી દવાખાનાની સફાઈ કરવામાં આવી હતી. પ્રાથમિક અને સામુહિક આરોગ્ય કેન્દ્ર સહિત સરકારી દવાખાનામાં સફાઈ અભિયાન બાદ એકઠો થયેલ કચરાનો સલામત યોગ્ય રીતે નિકાલ કરવામાં આવ્યો હતો.તસ્વીર(તસ્વીર:જિજ્ઞેશ પોપટ)