જોડિયા રેફરલ હોસ્પિટલમાં પણ ફરીથી ઇજનેર સહિતના સ્ટાફને ધાક ધમકી અપાતાં ફરજમાં રૂકાવટ અંગેનો ગુનો નોંધાયો: જે મહિલાના ઘરમાં વીજ ચેકિંગ કરાયું હતું, તેનું પણ બીપી લૉ થઈ જતાં હોસ્પિટલમાં ખસેડાઈ
જામનગર જિલ્લાના જોડિયા ટાઉનમાં મોટો વાસ વિસ્તારમાં વિજચેકિંગ કરવા માટે ગયેલી ટુકડી પર હુમલો થયો હતો. સ્થાનિક બે મહિલા સહિતના ચાર શખ્સોએ વિજ અધિકારી સહિતના ચાર કર્મચારીઓને ઝપાઝપી કરી કપડા ફાડી નાખ્યા હતા. ત્યારબાદ જોડિયાની રેફરલ હોસ્પિટલમાં સારવાર માટે પહોંચેલા વીજ અધિકારી સહિતના કર્મચારીઓને ફરી ધમકી અપાતાં ફરજમાં રૂકાવાટ અંગે ગુનો દાખલ કરાયો છે. ઉપરાંત એક મહિલાનું બીપી લૉ થઈ જતાં સારવાર માટે હોસ્પિટલમાં ખસેડાઈ છે.
આ બનાવની વિગત એવી છે કે જામનગરમાં રણજીત સાગર રોડ પર રહેતા અને પીજીવીસીએલ ની જોડિયાની કચેરીમાં જુનિયર ઈજનેર તરીકે ફરજ બજાવતા હાર્દિકભાઈ રમેશભાઇ ચાંદ્રાએ જોડીયા પોલીસ મથકમાં પોતાના ઉપર તેમજ પીજીવીસીએલના અન્ય ત્રણ સાથી કર્મચારીઓ ઉપર હુમલો કરી જાનથી મારી નાખવાની ધમકી આપવા અંગે તેમજ ફરજ માં રૂકાવટ ઉભી કરવા અંગે શબીર ઓસમાણ બગાડ, ફારૂક અલાયા સાઈચા, ફાતમાબેન અહમદભાઈ પલેજા અને આયશા ફિરોજભાઈ સાયચા સામે ફરિયાદ નોંધાવી છે.
પોલીસ ફરિયાદમાં જાહેર કરાયા અનુસાર પીજીવીસીએલની ટુકડી સવારે ૯.૩૦ વાગ્યાના અરસામાં મોટો વાસ વિસ્તારમાં ચેકિંગ કરવા માટે ગઈ હતી, જે દરમિયાન સ્થાનિકોએ હંગામા મચાવ્યો હતો, અને ઇજનેર હાર્દિક ચાંદ્રાને ઝાપટો મારી માથેથી વાળ ખેંચી કપડા ફાડયા હતા. અને તેને છોડાવવા માટે વચ્ચે પડેલા અન્ય ત્રણ કર્મચારીઓને પણ ફડાકા વાળી કરી હતી. જેથી ભાઈ દોડધામ થઈ હતી.
ચારેય અધિકારી -કર્મચારીઓને પ્રાથમિક સારવાર આપવા માટે જોડિયાની રેફરલ હોસ્પિટલમાં લઈ જવાયા હતા, દરમિયાન ફાતમાબેન આમદભાઈ પલેજા કે જેનું બીપી લૉ થઈ જતાં પરિવારજનો તથા આડોશી પાડોશીઓ સારવાર માટે જોડિયાની રેફરલ હોસ્પિટલમાં પહોંચ્યા હતા, જ્યાં ફરી હંગામો થયો હતો, અને ટુકડી ઉપર ફરી હુમલો કરાતાં આખરે મામલો જોડિયા પોલીસ પથકમાં લઈ જવાયો હતો.
જ્યાં ચારેય આરોપીઓ સામે મારકુટ અને ફરજમાં રૂકાવટ અંગેની ફરિયાદ નોંધાવી છે. ફાતમાબેન પલેજાને વધુ સારવાર માટે જામનગરની જી.જી. હોસ્પિટલમાં ખસેડવામાં આવી હતી. જો કે તેની તબિયત માં સુધારો થઈ જતાં રજા આપી દેવાઇ છે. આ બનાવને લઈને જોડિયા ટાઉનમાં ભારે દોડધામ થઈ હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech