લેબનોનના રાજદૂત રેબી નરશે ગાઝા અને લેબનોન પર ઈઝરાયેલના હુમલા અંગે ગંભીર ચિંતા વ્યક્ત કરી છે અને તેને વિનાશક ગણાવ્યા છે. તેમણે કહ્યું કે ઈઝરાયેલના હુમલાના પરિણામે હજારો લોકો માયર્િ ગયા છે અને લાખો લોકો વિસ્થાપિત થયા છે. આ સંઘર્ષ સમગ્ર પ્રદેશમાં અસ્થિરતા પેદા કરી રહ્યો છે. નરશે આશા વ્યક્ત કરી કે ભારત શાંતિ પ્રક્રિયામાં મહત્વની ભૂમિકા ભજવશે, કારણ કે ભારતના ઇઝરાયેલ અને લેબનોન બંને સાથે સારા સંબંધો છે અને વૈશ્વિક સ્તરે મજબૂત હાજરી ધરાવે છે.
લેબનીઝ રાજદૂત રેબી નરશે ભારતને અપીલ કરી હતી કે તેઓ ઇઝરાયેલના વડા પ્રધાન નેતન્યાહૂ પર તેમની આક્રમક નીતિઓ પર પુનર્વિચાર કરવા દબાણ કરે જેથી સંઘર્ષનો શાંતિપૂર્ણ ઉકેલ શોધી શકાય. નરશે પણ હિઝબોલ્લાહ સામે ઇઝરાયેલના આરોપોને નકારી કાઢ્યા અને તેને લેબનીઝ સરકાર અને સંસદમાં પ્રતિનિધિત્વ ધરાવતા કાયદેસર લેબનીઝ રાજકીય પક્ષ તરીકે વર્ણવ્યું. તેમણે કહ્યું કે રાજ્ય આતંકવાદ માં ઇઝરાયેલની સંડોવણી તેને કોઈપણ સંગઠનને આતંકવાદી તરીકે લેબલ કરવાનો નૈતિક અથવા કાનૂની અધિકાર આપતી નથી.
રાજદૂત રબી નરશે પેલેસ્ટાઈન અને આરબ ભૂમિ પર ઈઝરાયેલના કબજાને પશ્ચિમ એશિયામાં અસ્થિરતા અને હિંસાનું મૂળ કારણ ગણાવ્યું હતું. તેમણે કહ્યું કે આ સંઘર્ષ તાજેતરની ઘટનાઓ સાથે સંબંધિત નથી પરંતુ 75 વર્ષ પહેલા શરૂ થયેલા ઈઝરાયેલના કબજા સાથે જોડાયેલો છે, જે આજે પણ સંઘર્ષનું કારણ છે.
ઇઝરાયેલે થોડા દિવસો પહેલા લેબનોનની અંદર ગ્રાઉન્ડ ઓપરેશન શરૂ કર્યું છે. જેના કારણે ત્યાં સ્થિતિ વણસી રહી છે. હિઝબુલ્લાના વડાની હત્યા કયર્િ બાદ તેઓએ આ હુમલો તેજ કર્યો છે. આ સમયગાળા દરમિયાન, હુમલામાં અત્યાર સુધીમાં 2100 લોકોના મોત થયા છે અને 11 હજારથી વધુ લોકો ઘાયલ થયા છે.