શહેરના કિન્નરોની આંતરીક લડાઈ આજે પોલીસ કમિશનર કચેરીથી લઈ એ ડિવિઝન પોલીસ મથક સુધી પહોંચી હતી. બન્ને પક્ષે સામસામા આક્ષેપો સાથે લેખિત ફરિયાદ અપાઈ હતી. ગુરૂ, શિષ્ય કિન્નર વચ્ચે ચાલતા વિવાદમાં શિષ્યાએ કરેલી અરજી સામે ગુરૂની તરફેણમાં આજે ૩૦થી વધુ કિન્નરો ત્રિકોણબાગ ખાતે ચક્કાજામ કરી એ ડિવિઝન પોલીસ મથક સામે જ ભારે દેખાવો કર્યા હતા. છાજીયા લઈ, સૂત્રોચ્ચાર સાથે કેટલાકે અર્ધ ન અવસ્થામાં થઈ ગયા. રસ્તા પર સૂઈ જઈ પોલીસની એક તરફી કાર્યવાહી હોવાના આક્ષેપો કર્યા હતા. એક કિન્નરે બોટલ કાઢીને ફિનાઈલ પીવાનો પ્રયાસ કરતા હાજર પોલીસ સ્ટાફ દોડી ગયો હતો અને હાથમાંથી બોટલ આંચકી લીધી હતી. કિન્નરોના દેખાવોથી પોલીસે પણ પગે પાણી ઉતર્યા હતા. ગંજીવાડા શેરી નં.૧૮માં રહેતા નિકિતાદે મીરાદ (મહમદ હત્પશેન સીરાજભાઈ ચૌહાણ) નામના ૨૪ વર્ષિય કિન્નરે આજે પોલીસ કમિશનર કચેરીએ પહોંચી રજૂઆત નામે ઉત્પાત મચાવ્યો હતો. નિકિતાદે દ્રારા કરાયેલી લેખિત ફરિયાદ (અરજી)માં પોતાના ગુરૂ મીરાદે ઉર્ફે ફટાકડી, રિક્ષાચાલક મકસુદ(રહે.બન્ને પરાપીપળિયા) તેમજ અન્ય અજાણ્યા બે કિન્નર સહિત ત્રણ ઈસમો મળીને હેરાન, પરેશાન, ધાક, ધમકી, મારકૂટ કરતા હોવાનું તેમજ ઘાતક હથિયારો સાથે ફરી ગમે ત્યારે હત્પમલો કરે, મારી નાખે તેવી દહેશત સાથે આક્ષેપો કર્યા છે.

View this post on Instagram

A post shared by Aajkaal (@aajkaaldaily)

નિકિતાદેએ કરેલી લેખિત રજૂઆતના પગલે ગુરૂ મીરાદેની તરફેણમાં કિન્નરોનું ટોળુ એ ડિવિઝન પોલીસ મથકે ધસી આવ્યું હતું. મીરાદે સહિતના કિન્નરોએ ઉગ્ર રજૂઆત કરી હતી. એક તબક્કે આક્રમક કિન્નરોએ સરાજાહેર ધમાલ મચાવતા પોલીસના પગે પણ પાણી ઉતરી આવ્યા હતા. ઢેબરચોક પાસે જ રસ્તો બ્લોક કરી દીધો હતો. કિન્નરોએ પોલીસ મથક સામે છાજીયા લીધા, છાતી કુટીને સૂત્રોચ્ચાર કર્યા હતા. કેટલાંક કિન્નરોએ અર્ધ ન અવસ્થામાં થઈ જાહેરમાં વિરોધ વ્યકત કર્યેા હતો. રસ્તા પર સુઈ ગયા હતા. દેખાવો, રજૂઆત દરમિયાન એક કિન્નરે ફિનાઈલની બોટલ કાઢીને ફિનાઈલ પીવાનો પ્રયાસ કરતા પોલીસે બોટલ હાથમાંથી છીનવી લીધી હતી. કિન્નરો પોલીસ મથક સામે જ માર્ગ પર ઉતરી આવતા થોડી ક્ષણો પોલીસની હાલત કફોડી બની ગઈ હતી. અન્ય પોલીસ સ્ટાફની મદદ લેવાઈ હતી. પોલીસની ભાષા અને સમજાવટ સાથે મામલો થાળે પાડવાનો પ્રયાસ કરાયો હતો.