અમેરિકામાં ગેરકાયદેસર રીતે રહેતા ખાલિસ્તાની આતંકવાદી હરપ્રીત સિંહ ઉર્ફે હેપ્પી પાસિયાની ધરપકડ કરવામાં આવી છે. તે ભારત અને અમેરિકાના પોલીસ સ્ટેશનો પર અનેક હુમલાઓનું આયોજન કરવામાં કથિત રીતે સામેલ હતો. એફબીઆઈ સેક્રામેન્ટોએ સ્થાનિક અને ભારતીય ભાગીદારો સાથે સંકલનમાં તપાસ હાથ ધરી હતી.
હરપ્રીત સિંહ પર ભારતમાં પોલીસ સ્ટેશનો અને ચંદીગઢમાં એક નિવૃત્ત પંજાબ પોલીસ અધિકારીના ઘર પર ગ્રેનેડ હુમલાનું કાવતરૂ ઘડવાનો આરોપ છે. તે બાબર ખાલસા ઇન્ટરનેશનલ નામના વિદેશી આતંકવાદી સંગઠન સાથે જોડાયેલો છે, જે 1970ના દાયકામાં રચાયેલો હતો અને રાજકીય હત્યાઓ, સશસ્ત્ર હુમલાઓ અને આતંકવાદી બોમ્બ વિસ્ફોટોમાં સામેલ રહ્યો છે.
હરપ્રીત સિંહની 16 એપ્રિલના રોજ કેલિફોર્નિયાના સેક્રામેન્ટોમાં એફબીઆઈ અને ઇમિગ્રેશન અને કસ્ટમ્સ એન્ફોર્સમેન્ટ એજન્ટો દ્વારા ધરપકડ કરવામાં આવી હતી. તે ભારતમાં અનેક હિંસક ખંડણી અને ધાકધમકી ઝુંબેશમાં સામેલ હતો.
એફબીઆઈના ડિરેક્ટર કાશ પટેલે એક ટ્વિટમાં માહિતી આપી છે કે અમેરિકામાં હરપ્રીત સિંહ નામના વ્યક્તિની ધરપકડ કરવામાં આવી છે. તે એક વિદેશી આતંકવાદી ગેંગ સાથે સંકળાયેલો હોવાનું કહેવાય છે અને અમેરિકામાં ગેરકાયદેસર રીતે રહેતો હતો.
એફબીઆઈને શંકા છે કે હરપ્રીત સિંહ ભારત અને અમેરિકામાં પોલીસ સ્ટેશનો પર અનેક હુમલાઓના કાવતરામાં સામેલ હતો. આ તપાસ એફબીઆઈ સેક્રામેન્ટો યુનિટ દ્વારા ભારત અને અમેરિકાની સ્થાનિક એજન્સીઓની મદદથી હાથ ધરવામાં આવી હતી. કાશ પટેલે એક ટ્વિટમાં લખ્યું, હિંસા ફેલાવનારાઓને, તેઓ જ્યાં પણ હશે, અમે શોધી કાઢીશું. બધી એજન્સીઓએ ખૂબ સારું કામ કર્યું છે અને હવે ન્યાય થશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરોહિત શર્માએ ટેસ્ટ ક્રિકેટમાંથી સંન્યાસ લીધો, વનડે રમવાનું ચાલુ રાખશે
May 07, 2025 07:48 PMદેશના 244 શહેરોમાં બ્લેકઆઉટ: દેશભરમાં રાત્રિ કવાયતથી આપત્તિ સામે તૈયારી
May 07, 2025 07:42 PMCopyright © 2023-2024 Aajkaal Daily
Developed by Rhythm Infotech