અમેરિકામાં કાશ પટેલે વટ પાડી દીધો છે. ટ્રમ્પ સરકારમાં કાશ પટેલને FBI ચીફ બનાવવામાં આવ્યા છે. ભારતમાં રહી કેટલાક લોકોને જયશ્રી કૃષ્ણ બોલવામાં શરમ આવે છે ત્યારે યુએસની સેનેટમાં કાશ પટેલે જયશ્રી કૃષ્ણ બોલી ભારતીય સંસ્કૃતિને ઉજાગર કરી છે. જયશ્રી કૃષ્ણ બોલીને કાશ પટેલે સૌના દિલ જીતી લીધા છે. તેમજ કાશ પટેલે પોતાના માતા-પિતાના ચરણસ્પર્શ કરીને અમેરિકનોને પણ આશ્ચર્યચકિત કરી દીધા છે.

Kash Patel said "Jai Shri Krishna" at his confirmation hearing for FBI Director at US Senate ❤️

Burnol moment for Indian seculars ? pic.twitter.com/mgY6TsgWwT

— STAR Boy TARUN (@Starboy2079) January 30, 2025

સોશિયલ મીડિયા પર વીડિયો વાઇરલ થયા બાદ ઘણા યુઝર્સે કોમેન્ટ પણ કરી છે. એક સોશિયલ મીડિયા યુઝરે લખ્યું કે આ પહેલીવાર છે, જ્યારે કોઈએ પોતાનાં માતા-પિતાનું આ રીતે સન્માન કર્યું છે. આ પ્રેમ છે. બીજા એક યુઝરે લખ્યું કે તમારા મૂળને ક્યારેય ભૂલશો નહીં. એક અન્યએ લખ્યું, વાહ! મને નહોતું લાગતું કે હું તેનાથી વધુ પ્રભાવિત થઈ શકું, તેમનાં માતા-પિતાને ગર્વ થવો જોઈએ.

જય શ્રીકૃષ્ણ કહીને માતા-પિતાનો પરિચય કરાવ્યો
માતા-પિતાનો પરિચય આપતાં કાશ પટેલે કહ્યું, હું આજે અહીં બેઠેલા મારા પિતા પ્રમોદ અને માતા અંજનાનું સ્વાગત કરવા માગું છું. તેઓ ભારતથી અમેરિકા આવ્યાં છે. મારી બહેન નિશા પણ અહીં છે. જય શ્રીકૃષ્ણ. તેમના પરંપરાગત અભિવાદનની ભારતીય સમુદાય અને અમેરિકન નાગરિકો બંને દ્વારા ખૂબ પ્રશંસા કરવામાં આવી.

કોણ છે કાશ પટેલ?
કાશ પટેલ એક ભારતીય-અમેરિકન વકીલ અને રાષ્ટ્રીય સુરક્ષા નિષ્ણાત છે. તેમને પૂર્વ રાષ્ટ્રપતિ ડોનાલ્ડ ટ્રમ્પના નજીકના માનવામાં આવે છે. તેમને FBI ડિરેક્ટર પદ માટે નામિક કરવામાં આવ્યા છે. દરમિયાન તેમનું નામાંકન સેનેટ ન્યાયતંત્ર સમિતિમાં સમીક્ષા હેઠળ છે. જો તે આ પાસ કરે છે, તો તેઓ ભારતીય મૂળના પ્રથમ FBI ડિરેક્ટર બની શકે છે. જોકે ટ્રમ્પ પ્રત્યેની તેમની વફાદારી અંગે ઘણા પ્રશ્નો ઊભા થઈ રહ્યા છે, જેના કારણે તેમના નામાંકનમાં વિવાદ થઈ શકે છે.