જિલ્લાના વલ્લભીપુરથી કિ.રૂ.૨,૦૦૦ની  દેશી બનાવટની જામગરી બંદુક સાથે એક શખ્સને  ભાવનગર લોકલ ક્રાઇમ બ્રાન્ચે ઝડપી લીધો હતો. 
ભાવનગર એલ.સી.બી.નો  સ્ટાફ પાલીતાણા ડીવીઝન વિસ્તારમાં પેટ્રોલીંગ માં હતાં.તે દરમ્યાન વલ્લભીપુર બજરંગ ચોકડીએ આવતાં એએસઆઈ  અનિરૂધ્ધસિંહ ગોહિલને બાતમી મળેલ કે ઝાલા ન્યાલભાઇ નથવાણી રહે.પચ્છેગામની સીમ તા વલ્લભીપુર જી.ભાવનગર, હાલ વલ્લભીપુરથી ભાવનગર રોડ ઉપર નવી બની રહેલ સાયન્સ કોલેજની પાછળના ભાગે દીવાલની પાછળ પડતર ખુલ્લી જગ્યામા જામગરી બંદુક પોતાના કબ્જામા રાખી ઉભેલ છે.જે માહિતી આધારે તપાસ કરતાં દેશી બનાવટની જામગરી બંદુક સાથે  ઝાલા ન્યાલભાઇ નથવાણી (ઉ.વ.૫૦ ધંધો-ખેત મજુર રહે.મુળ-પડાણા તા ધંધુકા જી.અમદાવાદ હાલ- પચ્છેગામની સીમ તા.વલ્લભીપુર જી.ભાવનગર) ને  દેશી બનાવટની લોખંડના ધાતુથી સીંગલ બેરલની જામગરી બંદુક કિ.રૂ.૨,૦૦૦ના મુદ્દામાલ સાથે ઝડપી લીધો હતો.
આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ સ્ટાફનાં અનિરૂધ્ધસિંહ ગોહિલ, હરિચંદ્દસિંહ દિલુભા, એજાજખાન પઠાણ અને  બ્રિજરાજસિંહ ગોહિલ સહિતના જોડાયા હતા.