ઉમરાળાના ખીજડીયા ગામે ધાર્મિક પ્રસંગે નવસારીથી ટ્રાવેલ્સની બસમાં આવેલા મહિલાએ પોતાના રૂપિયા ૩.૨૦લાખની કિંમતના ઘરેણાંની ચોરી થયાની ફરિયાદ નોંધાવી હતી.

ઉપલબ્ધ વિગતો મુજબ મુળ ઉમરાળાના ખીજડીયા ગામના વતની અને હાલ નવસારીના સીતારામનગરમાં રહેતા લીલીબેન ધનાભાઇ ભરવાડે ઉમરાળા પોલીસ મથકમાં એવા મતલબની ફરિયાદ નોંધાવી હતી કે તેઓ ગત તારીખ ૨૯-૧ના રોજ ધાર્મિક પ્રસંગ સબબ નવસારીથી મુંબઈ-બગસરા વચ્ચે ચાલતી હરિદર્શન ટ્રાવેલ્સની બસ નંબર જી. જે.૧૪ઝેડ ૫૪૫૫માં વતન ખીજડીયા ગામે આવ્યા હતા.

દરમ્યાનમાં પોતાની સાથે રહેલા રૂપિયા ૩.૨૦લાખની કિંમતના ઘરેણાં સાથેના થેલાની તપાસ કરતા થેલો કોઈ ચોરી કરી લઈ ગયાનું માલુમ પડ્યું હતું. આ અંગે ઉમરાળા પોલીસે લીલીબેનની ફરિયાદના આધારે ચોરીનો ગુનો નોંધી તપાસ હાથ ધરી હતી.