નવોદય વિદ્યાલય સમિતિ દ્વારા ચલાવાતી જવાહર નવોદય વિદ્યાલયની વર્ષ 2025-26 માટે ધોરણ 9 અને ધોરણ 11 માં પ્રવેશ મેળવવા માટેની પસંદગી પરીક્ષા તારીખ 8 ફેબ્રુઆરીના રોજ દેવભૂમિ દ્વારકા જિલ્લામાં લેવામાં આવશે.

આ પરીક્ષામાં શરતોને આધીન હાલ ધોરણ 8 અને 10 માં અભ્યાસ કરતા દેવભૂમિ દ્વારકા જિલ્લામાં આવેલી સ્કૂલના વિદ્યાર્થી માટે ઓનલાઇન અરજી કરવા માટે નવોદય વિદ્યાલયની વેબસાઇટ https://navodaya.gov.in/nvs/en/Home1 પરથી ઓનલાઇન અરજી કરી શકે છે. હાલ નવોદય વિદ્યાલય સમિતિની વેબસાઇટ દેખભાળ હેઠળ હોવાથી ઓનલાઈન રજીસ્ટ્રેશન ધોરણ 11 માટેની લીંક https://cbseitms.nic.in/2024/nvsxi_11/ પરથી અને ધોરણ 9 માટેની લિન્ક https://cbseitms.nic.in/2024/nvsix/ પરથી પણ  અરજી કરી શકે છે. ઓનલાઈન રજીસ્ટ્રેશન કરવાં માટે અંતિમ તારીખ તા. 30 ઓક્ટોબર છે. તેમ જવાહર નવોદય વિદ્યાલય - ધતુરિયાના આચાર્યની યાદીમાં જણાવાયું છે.