ઝારખંડ પોલીસે ગઈકાલે જણાવ્યું હતું કે એક દિવસ પહેલા જ તેમણે જામતારામાંથી છ સાયબર ગુનેગારોની ધરપકડ કરી હતી, જેઓ દેશના વિવિધ ભાગોમાં 11 કરોડ રૂપિયાના કેસોમાં સંડોવાયેલા હતા. તેમણે જણાવ્યું કે આ ગુનેગારોએ ’પીએમ કિસાન યોજના.એપીકે’, ’પીએમ ફસલ બીમા યોજના.એપીકે’ અને સ્ટેટ બેંક ઓફ ઇન્ડિયા, કેનેરા બેંક, પંજાબ નેશનલ બેંક, એક્સિસ બેંક અને એનપીસીઆઈ ઇન્ટરનેશનલ સહિત વિવિધ ભારતીય બેંકોના નામે લોકોને છેતરાપિંડીનો શિકાર બનાવતી મોબાઇલ એપ્લિકેશન (એપીકે) બનાવી હતી.
જૂથના સભ્યો ’ડીકે બોસ’ ના ઉપ્નામ હેઠળ કાર્યરત હતા અને પોલીસના જણાવ્યા અનુસાર, તેમની છેતરપીંડી માટે ઉપયોગમાં લેવાતી એપીકે અન્ય સાયબર ગુનેગારોમાં લોકપ્રિય હતા, જેઓ એપીકે-આધારિત છેતરપિંડી કરતા હતા. તેમાં કહેવામાં આવ્યું છે કે લગભગ 2,000 પંજાબ નેશનલ બેંક અને 500 કેનેરા બેંક ખાતાધારકોના ફોનમાંથી ડેટા મળી આવ્યો હતો અને ઉમેર્યું હતું કે આ ડેટાનો ઉપયોગ બેંકના ગ્રાહકોને લક્ષ્ય બનાવવા માટે કરવામાં આવ્યો હતો.
ઝારખંડ પોલીસના જણાવ્યા મુજબ, આ જૂથ એન્ડ્રોઇડ સોફ્ટવેર ડેવલપમેન્ટ તેમજ ચેટજીપીટીમાં માલવેર ડેવલપમેન્ટ માટે આર્ટિફિશિયલ ઇન્ટેલિજન્સનો ઉપયોગ કરી રહ્યું હતું. પોલીસ આ જૂથના આંતર-રાજ્ય જોડાણોની તપાસ કરી રહી છે અને કેન્દ્રીય ગૃહ મંત્રાલય દ્વારા સંચાલિત ભારતીય સાયબર ક્રાઇમ કોઓર્ડિનેશન સેન્ટરની મદદ માંગી છે. ધરપકડ કરાયેલા લોકોની ઓળખ મોહમ્મદ મહબૂબ આલમ (25), સફાઉદ્દીન અંસારી (26), મોહમ્મદ આરિફ અંસારી (27), જશીમ અંસારી (30), એસકે બેલાલ (27) અને અજય મંડલ (28) તરીકે થઈ છે. પોલીસે જણાવ્યું હતું કે તેમાંથી ચારનો સાયબર ક્રાઇમ સાથે સંબંધિત ગુનાહિત ઇતિહાસ છે.
એક વરિષ્ઠ પોલીસ અધિકારીએ જણાવ્યું હતું કે વોટ્સએપ દ્વારા એપીકે શંકા ન કરે એવા લોકોને મોકલવામાં આવતા હતા, જેઓ તેને તેમના ફોન પર ડાઉનલોડ કરતા હતા.
આનાથી તેમના ફોન હેક થવા લાગ્યા. તેઓએ આ એપીકે અન્ય સાયબર ગુનેગારોને પણ એક એપીકે માટે રૂપિયા 20,000-25,000 માં વેચી દીધા હતા. આ એપીકેમાં યુઝરના ફોન હેક કરવાની અને એસએમએસ અને કોલ ફોરવર્ડિંગનો ઉપયોગ કરીને બેંક એકાઉન્ટની વિગતો, ઓટીપી (વન-ટાઇમ પાસવર્ડ) અને જન્મ તારીખ ચોરી કરવાની ક્ષમતા હતી, જેનો ઉપયોગ આગળ પીડિતોના બેંક ખાતામાં અનધિકૃત વ્યવહારો કરવા માટે થતો હતો.