જામનગરમાં રહેતા અને બ્રાસપાર્ટનો વ્યવસાય કરતાં બ્રાઝમાં ઇન્ડસટ્રીઝના પ્રોપરાઇટર પીયુશભાઇ પરસોતમભાઈ ઠુંમર પાસેથી મહારાષ્ટ્રની પેઢી મારૂતિ એન્ટરપ્રાઈઝના માલિક અજય સિંઘ દ્વારા અલગ અલગ બીલથી ઉધારથી ૨૩૯૧૩૦/-નો બ્રાસપાર્ટનો માલની ખરીદી કરવામાં આવેલ. જે માલ પીયુશભાઇ દ્વારા ટ્રાન્સપોર્ટ મારફત મોકલી આપવામાં આવેલ. જે માલ મોકલયા બાદ પીયુશભાઇ દ્વારા મારૂતિ બ્રાસપાર્ટની લેણી રકમની માંગણી કરવામાં આવેલ. પરંતુ રકમ ચુકવવામાં આવેલ નહિં, અને ગલ્લા તલ્લા કરવામાં આવેલ. જેથી પીયુષભાઈ દ્વારા તેમનાં વકીલ મારફત મારૂતિ એન્ટરપ્રાઈઝના માલિક અજય સિંઘને કાનુની નોટીસ મોકલવામાં આવેલ, અને રકમ ચુકવી આપવા જણાવવામાં આવેલ.

પરંતુ થોડા સમયમાં રકમ ચુકવી આપીશું તેવું જણાવેલ અને પરંતુ ઘણો સમય થઈ જવા છતાં રકમ ચૂકવેલ નહી જેથી નારાજ થઇ પીયુશભાઈ દ્વારા તેમનાં વકીલ મારફત જામનગરની અદાલતમાં સમરી દાવો દાખલ કરવામાં આવેલ. જે દાવો ચાલી જતા વાદીના વકીલ દ્વારા વિસ્તૃત દલીલો કરવામાં આવેલ અને અદાલતમાં તમામ આધાર પુરાવાઓ રજુ કરી અને હુકમનામું મેળવવા માટે રજુઆતો કરવામાં આવેલ. જે આધાર પુરાવા અને દલીલો ધ્યાને લઇ જામનગરની અદાલત દ્વારા વાદીનો દાવો મંજુર કરી દાવાની રકમ રૂ.૨૩૯૧૩૦ ની રકમ મારૂતિ એન્ટરપ્રાઈઝના માલિક અજય સિંઘએ વાદીને દાવાના ખર્ચ તથા ૬ ટકા વ્યાજ સાથે ચુકવી આપવા હુકમ કરવામાં આવેલ છે.વાદી બ્રાઝમાં ઇન્ડસટ્રીઝ વતી તેમનાં વકીલ મયુર ડી. કટારમલ રોકાયેલા હતા.