જામનગર શહેર અને જિલ્લામાં સતત બીજા દિવસે વહેલી સવારે ઝાકળભીની સવાર

February 12, 2025 06:19 PM

જામનગર શહેર અને જિલ્લામાં આજે ભેજનું પ્રમાણ ૯૮ ટકા રહયું હોવાથી ઝાકળભીની સવાર થઈ હતી, અને ઘાઢ ધુમ્મસની ચાદર છવાયેલી જોવા મળી હતી. તેમજ વહેલી સવારે ઠંડી અને બપોરે ગરમીનું મિશ્ર વાતાવરણ બનેલું જોવા મળી રહ્યું છે. ગાઢ ધુમ્મસને કારણે વાહન ચાલકોને ભારે પરેશાની ભોગવવી પડી હતી.

આજે સવારે પણ વહેલી સવારથી ગાઢ ધુમ્મસની ચાદર છવાયેલી જોવા મળી હતી. અને આજે પણ ભેજનું પ્રમાણ ૯૮ ટકા થઈ જતાં ઝાકળ ના કારણે વહેલી સવારે વાહનચાલકોને પોતાના વાહનો ચલાવવા માટે ભારે હાલાકી વેઠવી પડી હતી. લાઈટ ચાલુ કરીને તેમજ વાઈપર સાથે વાહન ચલાવવાનો વારો આવ્યો હતો.

ઉપરાંત માર્ગો પરથી પાણીના રેલા ઉતરી ગયા હતા. છેક સવા નવ વાગ્યા બાદ સૂર્ય નારાયણના દર્શન થતાં ધીમે ધીમે ઝાકળનું પ્રમાણ ઘટ્યું હતું. તે દરમિયાન વહેલી સવારે મોર્નિંગ માં નીકળેલા લોકો, તેમજ સ્કૂલે જતા વિદ્યાર્થીઓ વગેરેને હાલાકી વેઠવી પડી હતી.

એટલૂંજ માત્ર નહીં ગઈકાલે સમગ્ર દિવસ દરમિયાન પવનની તીવ્રતામાં પણ વધારો થયો હતો, અને પ્રતિ કલાકના ૩૦ થી ૩૫ કિ.મી ની ઝડપે ફૂંકાઈ રહેલા ઠંડા પવને લોકોને ધ્રુજાવ્યા હતા, અને સવારે ઠંડી તથા બપોરે ગરમી સહિતનું મિશ્ર વાતાવરણ બનેલું જોવા મળ્યું હતું.

જામનગર જિલ્લા કલેકટર કચેરીના કંટ્રોલરૂમના જણાવ્યા અનુસાર આજે સવારે ૮.૦૦ વાગ્યે પૂરા થતા ૨૪ કલાક દરમિયાન લઘુતમ તાપમાન ૧૬.૬ ડિગ્રી સેન્ટિગ્રેડ જયારે મહત્તમ તાપમાન ૨૮.૦ ડિગ્રી સેન્ટીગ્રેડ નોંધાયું છે. વાતાવરણમાં ભેજનું પ્રમાણ ૯૮ ટકા રહ્યું હતું, જયારે પવનની ગતિ સરેરાશ પ્રતિ કલાકના ૩૦ થી ૩૫ કિ.મી ની ઝડપે રહી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેર અને જિલ્લામાં સતત બીજા દિવસે વહેલી સવારે ઝાકળભીની સવાર

Recent News

Gujarat's No. 1 evening newspaper