બગસરા પંથકમાં લાંબા સમયના વિરામ બાદ વરસાદ પડતા જગતનો તાત ખુશખુશાલ થઈ ગયા હતા. ગઈકાલના રોજ રાત્રિના સમય દરમિયાન વીજળીના કડાકા ભડાકા સાથે ધોધમાર વરસાદ વરસતા ભયંકર ગરમીના લીધે લોકો ત્રાહિમામ પોકારી ઉઠેલા લોકોને ગરમીમાં આંશિક રાહત થયેલ હતી. યારે સવારમાં ફરી ભયંકર ગરમીનો સામનો કરતા બપોરના સમય દરમિયાન ફરી વરસાદ પડતા વાતાવરણમાં ઠંડક પ્રસરી ગઈ હતી. વરસાદ પડતાની સાથે જ જગતનો તાત તેમજ લોકોમાં ખુશીનો માહોલ છવાઈ ગયો હતો. અને મુરજાયેલ મોલાદ ઉપર વરસાદ પડતાની સાથે જ ખેડૂતો ખુશખુશાલ થઈ ગયા હતા. સત્તાવાર આંકડા પ્રમાણે બે ઈંચ જેટલો વરસાદ નોંધાતા અનેક નદીનાળાઓ ફરી પાછા છલકાઈ ગયા હતા. તેમજ સાતલડી નદી મા આવેલ ચેક ડેમ પણ ફરી ઓવરલો થયો હતો. જાણવા મળતી વિગત અનુસાર બગસરા તેમજ બગસરા પંથકના મુંજીયાસર, માણેકવાડા, શાપર, લુંઘીયા, ભાડેર, જેવા ગામોમાં પણ વરસાદ પડતા ખેડૂતો ખુશખુશાલ થયા હતા.