હાયપરટેન્શન આ દિવસોમાં સમગ્ર વિશ્વમાં એક ગંભીર સમસ્યા તરીકે વધી રહ્યું છે. આ સામાન્ય રીતે હાઈ બ્લડ પ્રેશર તરીકે ઓળખાય છે અને હાર્ટ એટેક સ્ટ્રોક જેવી ઘણી સમસ્યાઓનું જોખમ વધારે છે. હાઈપરટેન્શન ગર્ભાવસ્થાને પણ મુશ્કેલ બનાવી શકે છે, તેથી તેને નિયંત્રણમાં રાખવું ખૂબ જ મહત્વપૂર્ણ છે.

ગર્ભાવસ્થા એ દરેક સ્ત્રી માટે સુખદ પરંતુ ઉતાર-ચઢાવની સફર છે. આ દરમિયાન તેમને અનેક પ્રકારની શારીરિક અને માનસિક સમસ્યાઓનો સામનો કરવો પડે છે. હાઈપરટેન્શન એટલે કે હાઈ બ્લડ પ્રેશર આ સમસ્યાઓમાંની એક સમસ્યા છે. આ સમસ્યામાં શરીરની ધમનીઓમાં બ્લડપ્રેશર ખૂબ વધી જાય છે. આ સ્થિતિ માતા સાથે રહેલ બાળક માટે પણ ખતરનાક છે. વિશ્વભરમાં લગભગ 15 ટકા સગર્ભા સ્ત્રીઓ હાઈ બ્લડ પ્રેશરથી પીડાય છે. ગર્ભાવસ્થા દરમિયાન હાઈપરટેન્શનની સમસ્યાને કેટલાક પોષક તત્વો દ્વારા નિયંત્રણમાં રાખી શકાય છે.

કેલ્શિયમ

શરીરમાં કેલ્શિયમની ઉણપને કારણે અમુક પ્રકારના હોર્મોન્સ નીકળે છે, જે હાઈપરટેન્શનનું કારણ બની શકે છે. આ રક્તવાહિનીઓમાં સંકોચનનું કારણ બને છે જે બ્લડ પ્રેશર વધારે છે. ગર્ભાવસ્થા દરમિયાન નિયમિત તપાસ કરાવાનું ચૂકશો નહીં, જેથી ડૉક્ટર જરૂરી પોષક તત્વો વિશે માર્ગદર્શન આપી શકે. કેલ્શિયમ સપ્લાય કરવા માટે, આહારમાં ચીઝ, દહીં અને અન્ય ડેરી ઉત્પાદનોનો સમાવેશ કરો.

ઓમેગા -3 ફેટી એસિડ

ઘણા સંશોધનો દર્શાવે છે કે ગર્ભાવસ્થા દરમિયાન ઓમેગા-3 ફેટી એસિડની પૂરતી માત્રા હાઈપરટેન્શનનું જોખમ ઘટાડે છે. ઓમેગા 3 ફેટી એસિડ્સ માટે આહારમાં માછલીનો સમાવેશ કરો. આ સિવાય શણના બીજ, અખરોટ, સોયાબીન અને પાલકમાં પણ તેની સારી માત્રા હોય છે.

વિટામિન ડી

શરીરમાં વિટામિન ડીની ઉણપથી બ્લડપ્રેશરનું જોખમ પણ વધી જાય છે. હેલ્થ એક્સપર્ટના મતે ગર્ભવતી મહિલાઓએ દરરોજ 10 થી 25 માઈક્રોગ્રામ વિટામિન ડી લેવું જોઈએ.

સોડિયમ અને પોટેશિયમ

શરીરમાં પોટેશિયમની ઓછી માત્રા અને સોડિયમની વધુ માત્રા પણ બ્લડ પ્રેશરમાં વધારો કરે છે. તેથી ગર્ભાવસ્થા દરમિયાન મીઠાનું સેવન મર્યાદિત માત્રામાં જ કરો. ઉપરાંત, વધુ પડતા જંક અને પ્રોસેસ્ડ ખોરાકને ટાળવો જોઈએ કારણકે તેમાં ઘણું મીઠું હોય છે. ફળો અને શાકભાજી સાથે શરીરમાં આ પોષક તત્વોને સંતુલિત રાખવાનો પ્રયાસ કરો.