બે વિમાનોની અથડામણ બાદ જાપાનના હાનેડા એરપોર્ટ પર આગ ફાટી નીકળ્યાના એક દિવસ બાદ બુધવારે પરિવહન અધિકારીઓ અને પોલીસે અલગ-અલગ તપાસ શરૂ કરી હતી. જાપાન પરિવહન સેફ્ટી બોર્ડે જણાવ્યું હતું કે તપાસકર્તાઓ બંને વિમાનોના પાઇલોટ અને અધિકારીઓ તેમજ એર ટ્રાફિક કંટ્રોલ અધિકારીઓની પૂછપરછ કરવાની યોજના બનાવી રહ્યા છે.

બે વિમાનોની અથડામણ બાદ જાપાનના હાનેડા એરપોર્ટ પર આગ ફાટી નીકળ્યાના એક દિવસ બાદ બુધવારે ટ્રાન્સપોર્ટ અધિકારીઓ અને પોલીસે અલગ-અલગ તપાસ શરૂ કરી હતી. આ ઘટનામાં પાંચ લોકોના મોત થયા હતા.

પોલીસ તપાસમાં જોડાઈ
તમને જણાવી દઈએ કે વિમાનોના અથડાવાનું કારણ શું હતું તે જાણવા માટે પરિવહન સુરક્ષા અધિકારીઓ એર ટ્રાફિક કંટ્રોલ ઓફિસર અને પ્લેનના પાયલટ વચ્ચેની વાતચીતના આધારે તપાસ કરી રહ્યા છે. પોલીસે સંભવિત બેદરકારીની પણ તપાસ શરૂ કરી છે. ટોક્યો પોલીસે જણાવ્યું હતું કે તપાસકર્તાઓએ રનવે પરના કાટમાળની તપાસ કરી હતી અને પૂછપરછ ચાલુ છે.

શું છે સમગ્ર મામલો?
પેસેન્જર પ્લેન જાપાન એરલાઇન્સનું એરબસ A-350 હતું, જેણે સાપોરો શહેર નજીક શિન ચિટોઝ એરપોર્ટથી હાનેડા માટે ઉડાન ભરી હતી. સોમવારે આ પ્રદેશમાં આવેલા પ્રચંડ ભૂકંપથી અસરગ્રસ્ત રહેવાસીઓને રાહત પુરવઠો પહોંચાડવા માટે કોસ્ટ ગાર્ડ પ્લેન નિગાતા તરફ જવાનું હતું.