એસપી દ્વારા બદલીનો ગંજીફો ચિપાયો : સીટી, એસઓજી સહિતના કર્મીઓનો સમાવેશ

જામનગર જિલ્લા પોલીસ વડા દ્વારા દિવાળીના તહેવારો બાદ ફરી ગંજીપો ચીપવામાં આવ્યો છે, અને જામનગર જિલ્લાના પોલીસ બેડામાં ફરજ બજાવતા 50 પોલીસ કર્મચારીઓની આંતરિક ફેરબદલીના ઓર્ડર કાઢ્યા છે.

જામનગરની એસ.ઓ.જી. શાખા ઉપરાંત શહેરના સિટી એ. ડિવિઝન, બી. ડિવિઝન તથા સી. ડિવિઝન ઉપરાંત પંચકોશી એ. અને બી. ડિવિઝન, સિક્કા પોલીસ મથક, મહિલા પોલીસ સ્ટેશન, ટ્રાફિક શાખા, શેઠવડાળા, પોલીસ હેડ ક્વાર્ટર, ધ્રોલ, જોડિયા, જામજોધપુર અને કાલાવડ પોલીસ મથકમાં ફરજ બજાવતા કુલ 50 જેટલા પોલીસ કોન્સ્ટેબલ તથા હેડ કોન્સ્ટેબલની આંતરિક બદલી કરવામાં આવી છે. ગઈકાલે મોડી સાંજે જિલ્લા પોલીસ વડા પ્રેમસુખ ડેલુ દ્વારા બદલીઓના ઓર્ડર કાઢવામાં આવ્યા હતા.