દેવભૂમિ દ્વારકા જિલ્લા પોલીસ વડા નિતેશ પાંડેય દ્વારા જિલ્લાના જુદા જુદા પોલીસ મથકમાં ફરજ બજાવતા તેમજ અન્ય જિલ્લામાંથી બદલી પામીને અહીં આવેલા પાંચ પી.એસ.આઈ.ની બદલીના ઓર્ડરો કરવામાં આવ્યા છે.
ખંભાળિયા પોલીસ મથકમાં ઈન્ચાર્જ પી.આઈ. તરીકે ફરજ બજાવતા શક્તિસિંહ વાઈ. ઝાલાની બદલી સલાયા મરીન પોલીસ મથક ખાતે, વલસાડ જિલ્લામાંથી દેવભૂમિ દ્વારકા જિલ્લામાં થોડા સમય પૂર્વે મૂકવામાં આવેલા બી.જે. સરવૈયાને ખંભાળિયાના પી.આઈ. તરીકે નિમણૂક આપવામાં આવી છે.
વાડીનાર મરીન પોલીસ મથકના પી.એસ.આઈ. એ.બી. જાડેજાની બદલી એસ.સી. એસ.ટી. સેલમાં ડીવાયએસપી કચેરી ખાતે જ્યારે એસ.સી. એસ.ટી. સેલના પી.એસ.આઈ. એમ.ડી. મકવાણાને વાડીનાર મરીન પોલીસ મથક ખાતે તેમજ સાયબર ક્રાઇમના એમ.એચ. ચૌહાણને હાલ લીવ રિઝર્વમાં મુકવાનો હૂકમ કરવામાં આવ્યો છે.