રાજકોટમાં બનતા અકસ્માત અટકાવવા માટે ટુ-વ્હિલરચાલકોને સમજાવવા નવતર પ્રયોગ હાથ ધરવામાં આવ્યો હતો. ટ્રાફિક પોલીસે વાહનચાલકોને હેલ્મેટ પહેરાવવા માટે ‘જો ફેમિલી સે કરે પ્યાર વો કૈસે કરે હેલ્મેટ સે ઇનકાર' અભિયાન શરૂ કર્યુ છે. 

ટ્રાફિક ડીસીપી પૂજા યાદવ અને એસીપી ગઢવી સહિતની ટીમે રવિવારે ઘંટેશ્વર નજીક હાઇવે પર ડ્રાઇવ કરી હતી અને જે ટુ-વ્હિલરચાલક હેલ્મેટ પહેરીને નીકળતા હતા તેને ઊભા રાખી તેનું સન્માન કરી તેમને કપડાંની એક બેગ પુરસ્કાર રૂપે આપવામાં આવતી હતી. બેગ પર ટ્રાફિકના વિવિધ નિયમો લખવામાં આવ્યા છે અને તે નિયમોનું પાલન કરવા વાહનચાલકોને સમજ આપવામાં આવતી હતી.