ભારતીય મહિલા ટીમે નેપાળ સામે 82 રને વિજય મેળવ્યો છે. મહિલા એશિયા કપ 2024ના ગ્રુપ સ્ટેજમાં ટીમ ઈન્ડિયાએ તેની ત્રણેય મેચ જીતીને ગ્રુપ Aમાં ટોચનું સ્થાન મેળવી લીધું છે. તમને જણાવી દઈએ કે એશિયા કપની સેમીફાઈનલમાં ભારત પહેલાથી જ જગ્યા બનાવી ચૂક્યું છે. આ મુકાબલામાં ભારતે પ્રથમ બેટિંગ કરતા 178 રનનો વિશાળ સ્કોર બનાવ્યો હતો. જેના જવાબમાં નેપાળની ટીમ સતત વિકેટો ગુમાવતી રહી અને નિર્ધારિત 20 ઓવરમાં 96 રન જ બનાવી શકી. આ હાર સાથે નેપાળ સત્તાવાર રીતે ટુર્નામેન્ટમાંથી બહાર થઈ ગયું છે.

ભારતે નેપાળને 179 રનનો ટાર્ગેટ આપ્યો હતો. લક્ષ્યનો પીછો કરતી વખતે 21 રનની અંદર 2 મોટી વિકેટો પડી ગઈ હતી. આ પછી, જો કે કેપ્ટન ઈન્દુ બર્મા અને સીતા મગરે મળીને 22 રન જોડ્યા, પરંતુ સેટ થયેલા બંને બેટ્સમેન માત્ર 6 બોલના ગાળામાં આઉટ થઈ ગયા. કેપ્ટન ઈન્દુએ 14 રન અને સીતાએ 18 રન બનાવ્યા હતા. તેના આઉટ થવાને કારણે નેપાળની ટીમ 52 રનમાં 4 વિકેટ ગુમાવીને મુશ્કેલીમાં મુકાઈ ગઈ હતી. અહીંથી વિકેટો પડવાનો સિલસિલો શરૂ થયો કે ટીમે આગળના 40 રનમાં બાકીની 4 વિકેટ ગુમાવી દીધી. નેપાળની ટીમના 7 બેટ્સમેન ડબલ ફિગરને પણ સ્પર્શી શક્યા ન હતા.