યુએસએ ભૂતપૂર્વ ભારતીય ગુપ્તચર અધિકારી પર ન્યૂયોર્ક સિટીમાં શીખ અલગતાવાદી અને ભારતીય વિવેચક ગુરપતવંત સિંહ પન્નુ પર હત્યાના પ્રયાસનું કાવતરું ઘડવાનો આરોપ મૂક્યો છે. અહેવાલ મુજબ, એફબીઆઈએ અમેરિકન નિવાસી વિરુદ્ધ પણ આ પ્રકારની જવાબી કાર્યવાહી સામે ચેતવણી આપી છે.
વિકાસ યાદવ નામના આ ભૂતપૂર્વ ઈન્ટેલીજન્સ અધિકારી વિરુદ્ધ ચાર્જશીટ મેનહટનની ફેડરલ કોર્ટમાં ખોલવામાં આવી હતી, જે ભારત સરકાર અને અમેરિકન ધરતી પર હત્યાની યોજના વચ્ચેની સીધી કડી તરફ ઈશારો કરે છે.
ન્યાય વિભાગે ગયા વર્ષે આ કેસમાં સૌપ્રથમ આરોપોની જાહેરાત કરી હતી, જેમાં ભારતીય નાગરિક અને કથિત ડ્રગ અને હથિયારોના દાણચોર નિખિલ ગુપ્તા પર આરોપ મૂકવામાં આવ્યો હતો. તે ચાર્જશીટમાં એક અનામી ભારત સરકારના અધિકારીનો પણ ઉલ્લેખ કરવામાં આવ્યો હતો, જેમને ફરિયાદીઓએ કહ્યું હતું કે તેણે સમગ્ર આયોજન કયુ હતું. ગુવારે નવા આરોપમાં અધિકારીની ઓળખ યાદવ તરીકે કરવામાં આવી છે અને તેમને કેસમાં કો–ડીફેન્ડન્ટ બનાવાયા છે. યાદવ અને ગુા બંને પર હત્યાના કાવતરા અને મની લોન્ડરિંગના ષડયંત્રનો આરોપ છે.
ગુાની ગયા વર્ષે ચેક રિપબ્લિકમાં ધરપકડ કરવામાં આવી હતી અને યુએસ પ્રત્યાર્પણ કરવામાં આવ્યું હતું. તેણે પોતાને નિર્દેાષ જાહેર કર્યા છે. ન્યાય વિભાગના જણાવ્યા અનુસાર યાદવ હજુ પણ ફરાર છે. એટર્ની જનરલ મેરિક બી. ગારલેન્ડે એક નિવેદનમાં જણાવ્યું હતું કે, જસ્ટિસ ડિપાર્ટમેન્ટ કોઈને પણ જવાબદાર રાખવા માટે અથાક મહેનત કરશે