View this post on Instagram

A post shared by Aajkaal (@aajkaaldaily)

78માં સ્વતંત્રતા દિવસને લઈને દેશભરમાં ખાસ તૈયારીઓ કરવામાં આવી રહી છે અને લોકો તેને પોતાની રીતે યાદગાર બનાવવામાં વ્યસ્ત છે. આ દરમિયાન ભારતીય કોસ્ટ ગાર્ડે પણ ખૂબ જ ખાસ રીતે ત્રિરંગો ફરકાવ્યો છે અને તેનો વીડિયો પણ સામે આવ્યો છે. કોસ્ટ ગાર્ડ દ્વારા લક્ષદ્વીપમાં તિરંગો પાણીની અંદર ફરકાવવામાં આવ્યો હતો. આ દિવસોમાં સરકારના જુદા જુદા વિભાગો પોત-પોતાની શૈલીમાં સ્વતંત્રતા પર્વને યાદગાર બનાવવામાં વ્યસ્ત છે અને ભારતીય કોસ્ટ ગાર્ડે પણ એ દિશામાં ભરપૂર પ્રયાસ કર્યા છે.

ભારતીય કોસ્ટ ગાર્ડના લક્ષદ્વીપ જિલ્લા મુખ્યાલયે 78મા સ્વતંત્રતા દિવસને ધ્યાનમાં રાખીને પાણીની અંદર તિરંગો ફરકાવ્યો હતો. ભારતીય કોસ્ટ ગાર્ડ દ્વારા ત્રિરંગો અભિયાન અંતર્ગત દરેક ઘરે ત્રિરંગો ફરકાવવામાં આવ્યો હતો અને રાષ્ટ્રીય ભાવના અને એકતા દર્શાવવામાં આવી હતી. ભારતીય કોસ્ટ ગાર્ડ હર ઘર ત્રિરંગા અભિયાન અંતર્ગત અનેક કાર્યક્રમોનું આયોજન કરી રહ્યું છે. આ અંતર્ગત ગાંધીનગર પ્રાદેશિક મુખ્યાલય (ઉત્તર પશ્ચિમ) ખાતે વોકથોનનું આયોજન કરવામાં આવ્યું હતું. આ ઉપરાંત કોચી અને બેયપોરમાં ભારતીય નૌકાદળના એક યુનિટે અનાથાશ્રમની મુલાકાત લીધી હતી અને માછીમારો સાથે એક ખાસ સામુદાયિક સંવાદ કાર્યક્રમ હાથ ધર્યો હતો.