ભારત અને કેનેડા વચ્ચેના સંબંધોમાં પડેલી તિરાડે હવે વિઝાને લઈને વિવાદ છેડ્યો છે. ભારતના વિદેશ મંત્રાલયે કેનેડિયન મીડિયાના કેટલાક અહેવાલો સામે વાંધો ઉઠાવ્યો છે. ભારતના વિદેશ મંત્રાલયે કેનેડાને સ્પષ્ટ કહી દીધું છે કે, કોને વિઝા આપવા અને કોને ન આપવા એ અમને ન શીખવાડો. આ અમારો મૂળભૂત અધિકાર છે. 

#MEABriefing ||

The Ministry of External Affairs (@MEAIndia) commented on reports regarding the granting of Indian visas in #Canada, stating that such reports were yet another example of a disinformation campaign by the Canadian media aimed at defaming India. pic.twitter.com/HIpPulE6OL

— All India Radio News (@airnewsalerts) December 13, 2024

શું કહ્યું વિદેશ મંત્રાલયે?
વિદેશ મંત્રાલયે કેનેડિયન મીડિયાના એ અહેવાલો પર ટિપ્પણી કરી હતી કે, જેમાં આરોપ મૂકવામાં આવ્યો હતો કે, ભારતે કેનેડિયન ખાલિસ્તાનીઓને વિઝા આપવાનો ઇન્કાર કર્યો છે. આ અંગે વિદેશ મંત્રાલયના પ્રવક્તા રણધીર જયસ્વાલે કહ્યું હતું કે, અમે આ અંગેના મીડિયા અહેવાલો જોયા છે. ભારતને બદનામ કરવા માટે કેનેડિયન મીડિયાના ડિસઇન્ફોર્મેશન અભિયાનનું આ બીજું ઉદાહરણ છે. ભારતીયોને વિઝા આપવા એ અમારું સાર્વભૌમ કાર્ય છે. અમારી અખંડિતતાને નુકસાન પહોંચાડનારાઓને વિઝા ન આપવાનો અમારી પાસે કાયદેસરનો અધિકાર છે. આ બાબતે અમે કેનેડિયન મીડિયામાં જે ટિપ્પણીઓ જોઈ રહ્યા છીએ તે ભારતની સંપ્રભુતા સાર્વભૌમત્વ પર વિદેશી હસ્તક્ષેપ સમાન છે.

હજુ સુધી કેનેડાએ કોઈ કાર્યવાહી કરી નથી
વધુમાં કહ્યું કે, કેનેડા સરકારે ભારત વિરોધી તત્ત્વો સામે કાર્યવાહી કરવી જોઈએ. કેનેડામાં ભારત વિરોધી ગતિવિધિઓ પર અમે તેમની સાથે ઘણી વખત વાત કરી છે. અને અમે હરદીપસિંહ નિજ્જર કેસમાં પણ અમારું સ્ટેન્ડ રજૂ કર્યું છે. પરંતુ હજુ સુધી તેમણે કોઈ કાર્યવાહી કરી નથી. દર વખતે તેઓ માત્ર પુરાવા માગતા રહે છે.