એવિએશન ડેટા એનાલિટિક્સ ફર્મ ઑએજી અનુસાર, ભારત બ્રાઝિલ અને ઈન્ડોનેશિયાને પાછળ છોડીને ત્રીજું સૌથી મોટું ડોમેસ્ટિક એવિએશન માર્કેટ બની ગયું છે. ઈન્ડિગો અને એર ઈન્ડિયા, જેઓ મળીને 1,000 થી વધુ એરક્રાફ્ટ માટે ઓર્ડર ધરાવે છે, તેઓ ભારતમાં 10 માંથી 9 ડોમેસ્ટિક સીટો પર કબજો કરીને બજારમાં પ્રભુત્વ ધરાવે છે. હાલમાં, યુનાઇટેડ સ્ટેટ્સ અને ચીન વૈશ્વિક સ્તરે ટોચના બે ઉડ્ડયન બજારો છે.
ભારતીય એરલાઇન્સ દ્વારા સ્થાનિક ક્ષેત્રો પર બેઠકોની સંખ્યામાં વાર્ષિક વૃદ્ધિ દર 6.9% છે, જે વિશ્વમાં સૌથી ઝડપી વૃદ્ધિ દર છે. રાષ્ટ્રપતિ દ્રૌપદી મુર્મુએ જણાવ્યું હતું કે ભારત હવે વિશ્વનું ત્રીજું સૌથી મોટું સ્થાનિક ઉડ્ડયન બજાર છે અને છેલ્લા 10 વર્ષોમાં ફ્લાઇટ રૂટમાં વૃદ્ધિથી ટિયર 2 અને 3 શહેરોને ફાયદો થયો છે. સંસદના સંયુક્ત સત્રને સંબોધતા રાષ્ટ્રપતિ મુર્મુએ કહ્યું હતું કે 2021 થી 2024 દરમિયાન દેશનો વાર્ષિક સરેરાશ 8 ટકાના દરે વિકાસ થયો છે.
તેમણે જણાવ્યું હતું કે ભારત 10 વર્ષમાં 11માં સ્થાનેથી 5મી સૌથી મોટી અર્થવ્યવસ્થા બની ગયું છે. એપ્રિલ 2014માં માત્ર 209 એરલાઇન સેક્ટર હતા, જે એપ્રિલ 2024 સુધીમાં વધીને 605 થઈ જશે. ટાયર-2 અને ટાયર-3 શહેરોને એવિએશન રૂટમાં આ વધારાનો સીધો ફાયદો થયો છે. એર ટ્રાફિકની માંગ વધી રહી છે અને એરલાઇન્સ તેમના કાફલાને વિસ્તૃત કરી રહી છે, જ્યારે એરપોર્ટની સંખ્યા પણ વધી રહી છે.
તાજેતરના સત્તાવાર ડેટા અનુસાર, જાન્યુઆરી-મે 2024ના સમયગાળા દરમિયાન સ્થાનિક એરલાઇન્સે 661.42 લાખ મુસાફરો વહન કયર્િ હતા, જે એક વર્ષ અગાઉના સમયગાળા દરમિયાન 636.07 લાખ હતા. રાષ્ટ્રપતિ મુર્મુએ તેમના સંબોધનમાં એમ પણ કહ્યું કે સરકાર ભારતની જાહેર પરિવહન વ્યવસ્થાને વિશ્વની શ્રેષ્ઠમાંની એક બનાવવા માટે કામ કરી રહી છે.