ભારત અને ઈંગ્લેન્ડ વચ્ચે વિશાખાપટ્ટનમમાં રમાઈ રહેલી બીજી ટેસ્ટ મેચના ત્રીજા દિવસે ભારતે પોતાની પકડ મજબૂત કરી લીધી છે. ઈંગ્લેન્ડે દિવસના અંતે એક વિકેટ ગુમાવી 67 રન બનાવ્યા હતા.

ભારત અને ઈંગ્લેન્ડ વચ્ચે 5 ટેસ્ટ શ્રેણીની બીજી ટેસ્ટ મેચ વિશાખાપટ્ટનમમાં રમાઈ રહી છે. ત્યારે ભારતે પોતાનો બીતો દાવ 255 રન પર સમાપ્ત કર્યો હતો. જ્યારે ભારતને 398 રનની લીડ મળી હતી અને હવે ઈંગ્લેન્ડને બીજી મેચ જીતવા માટે 399 રન બનાવવાના છે.

ઉલ્લેખનીય છે કે, 399 રનના લક્ષ્યાંકનો પીછો કરવા ઉતરેલી ઈંગ્લેન્ડની ટીમે ત્રીજા દિવસની રમતના અંતે એક વિકેટ ગુમાવી 67 રન બનાવ્યા હતા. તેમ છતાં ઈંગ્લેન્ડને જીતવા માટે હજુ 342 રન બનાવવાના છે જ્યારે ભારતને જીતવા માટે માત્ર 9 વિકેટ લેવાની બાકી છે. ભારત તરફથી યશસ્વી જયસ્વાલે પ્રથમ દાવમાં બેવડી સદી ફટકારી હતી, જ્યારે શુભમન ગિલે બીજી ઈનિંગમાં 106 રન બનાવ્યા હતા.