રાજકોટ, લોધિકા અને પડધરી તાલુકાના ૧૮૦ ગામોનું કાર્યક્ષેત્ર ધરાવતા રાજકોટના બેડી માર્કેટ યાર્ડમાં ૧૦ દિવસની રજા પછી આજે વહેલી ખુલતી બજારે ૧,૦૦,૦૦૦ મણ ઘઉંની આવક થતા યાર્ડ ઘઉંથી છલકાઇ ઉઠું હતું. ઘઉં ઉપરાંત ચણા અને ધાણાની પણ ધૂમ આવક થઇ હતી. હવે ઉપલબ્ધ જથ્થાનો નિકાલ ન થાય ત્યાં સુધી ઘઉંની આવક બધં કરવા ચેરમેન જયેશભાઇ બોઘરાએ નિર્ણય કર્યેા હતો.
વિશેષમાં રાજકોટના બેડી માર્કેટ યાર્ડના વેપારી સૂત્રોએ જણાવ્યું હતું કે ચાલુ વર્ષે ઘઉંમાં ઉત્પાદન ઓછું હોય સીઝનના પ્રારંભથી જ ઉંચા ભાવ છે, દરમિયાન આજની હરરાજીમાં મિલબરનો ભાવ પ્રતિ ૨૦ કિલોના .૪૮૦ સુધી રહ્યો હતો અને સુપર કવોલિટીમાં .૭૨૦નો ભાવ રહ્યો હતો. આગામી દિવસોમાં હજુ ભાવ વધે તેવી પુરી શકયતા છે. કોરોનાકાળ બાદ લોકો ફરી ઘઉંની બારમાસી ખરીદી કરતા થયા હોય યાર્ડમાં આજે શહેરી ગ્રાહકોની પૂછપરછ પણ જોવા મળી હતી.