હાપાની શિવશકિત સોસાયટીમાં રહેતી એક મહિલાએ માનસીક બિમારીના કારણે ગળાફાંસો ખાઇ જીવાદોરી ટુંકાવી લીધી છે. જામનગરના હાપા ખાતે આવેલ શિવશકિત સોસાયટીમાં રહેતા જયોત્સનાબેન બકુલભાઇ મકવાણા (ઉ.વ.૪૯) નામની મહિલાને છેલ્લા સાતેક વર્ષથી માનસીક બિમારી હોય જેના કારણે ગઇકાલે પોતાના રહેણાંક મકાને પંખામાં સાડી વડે ગળાફાંસો ખાઇ લેતા મૃત્યુ નિપજયુ હતું. આ અંગે બકુલ ચનાભાઇ દ્વારા પંચ-એમાં જાણ કરવામાં આવી હતી.
**
તથીયા ગામના આધેડનું વિજ કરંટ લાગતા મૃત્યુ
ખંભાળિયા તાલુકાના તથીયા ગામે રહેતા રણમલભાઈ કાનાભાઈ પિંડારિયા નામના એક ધરતીપુત્ર પોતાની વાડીએ કપાસમાં પાણી વારતા હતા, ત્યારે આ વાડીમાં રહેલા સ્ટાર્ટર કેબલમાં તેમને જોરદાર વિજ કરંટ લાગતા તેમનું મૃત્યુ નીપજ્યું હતું. આ બનાવની જાણ મૃતકના પુત્ર લખમણભાઈ પિંડારીયા (ઉ.વ. ૨૩) એ અહીંની પોલીસને કરી છે.