ફી મુદ્દે બઘડાટી : રાજકોટમાં વાલીએ કલાસિસના સંચાલકને ફડકાવાળી કરી

રાજકોટ શહેરમાં ફી ભરવાના પ્રશ્ને વાલીએ ક્લાસીસના સંચાલકને ફડાકાવાળી કરી હોવાનું સામે આવ્યું છે. ફી ભરવાના મુદ્દે વાલીએ પહેલા માથાકૂટ કરી અને ત્યારબાદ ગમે તેને બોલાવવા હોય તેને બોલાવી લેજે કહીને ક્લાસીસમાં તોડફોડ પણ કરી હતી. બનાવને પગલે ભક્તિનગર પોલીસે ગુનો દાખલ કરી આરોપી દંપતીની શોધખોળ હાથ ધરી છે.   

બનાવની વિગત અનુસાર, કોઠારીયા રોડ પર શ્રી ગ્રુપના નામે ટ્યુશન ક્લાસીસ ચલાવતા અજય શાહે ફરિયાદ નોંધાવી છે કે, તેના ટ્યુશન ક્લાસીસ માં અભ્યાસ કરતી વિદ્યાર્થીની પાસે ₹14500 ફીની ઉઘરાણી કરી હતી જેથી તેની માતા માધુરીબેન નો ફોન આવ્યો અને કહ્યું હતું કે, ફી દિવાળી પછી ભરી દેશું. અજય શાહે ફી અત્યારે જ ભરવાનું કહેતા વિદ્યાર્થીના વાલી ઉગ્ર બન્યા હતા અને ફીટો દિવાળી પછી જ આપીશ તેવું કહ્યું હતું. ટ્યુશન ક્લાસીસના સંચાલકે વિદ્યાર્થીને ભણાવવાની ના પાડતા વિદ્યાર્થીના પિતા ઉગ્ર બન્યા અને ક્લાસીસમાં આવી ટ્યુશન ક્લાસીસના સંચાલકને ભડાકા ઝિંક્યા હતા. ટ્યુશન ક્લાસીસના સંચાલકને ઇજા થતા ખાનગી હોસ્પિટલમાં સારવાર માટે ખસેડવામાં આવ્યા હતા. પોલીસમાં ફરિયાદ કરવામાં આવતા હાલ આરોપી દંપતિ ની શોધખોળ ચાલી રહી છે.