પોરબંદરમાં આઇ.ટી.આઇ. ખાતે ભરતીમેળાનું આયોજન કરવામાં આવતા ૧૭૦ યુવક-યુવતીઓમાંથી ૧૪૪ જેટલા રોજગારવાંચ્છુઓની પ્રાથમિક પસંદગી થઇ હતી.
જિલ્લા રોજગાર વિનિમય કચેરી, પોરબંદર દ્વારા  આઈ.ટી.આઈ, પોરબંદર ખાતે નોકરીદાતાઓ તથા રોજગારવાચ્છું વચ્ચે સેતુ‚પ બનવાના આશ્રયથી ઓદ્યોગિક ભરતીમેળાનું આયોજન કરવામાં આવેલ હતું. 
આ ભરતીમેળામાં પોરબંદર જિલ્લાના  ૨૫૪૬થી વધુ ઉમેદવારોને ઈ-મેલ અને સોશિયલ મિડિયાના જુદા-જુદા માધ્યમથી ઈન્ટરવ્યું પ્રક્રિયા માટે  બોલાવવામાં આવ્યા હતા. જેમાંથી કુલ ૧૭૦ ઉમેદવારો હાજર રહેલ હતા.આ ભરતીમેળામાં સ્થાનિક નોકરીદાતા ટાટા ક્રોમા, ઇંડિયન પોસ્ટ પેમેંટ બેંક (આઇ.પી.પી.બી.), ‚દ્ર સિક્યુરિટી સર્વિસિઝ, કુબેર લોન ક્ધસલ્ટન્સી તથા ઓમકાર મેનપાવર પ્રા.લી, અમદાવાદના નોકરીદાતા પ્રતિનિધિ હાજર રહેલ હતા. તેઓ દ્વારા તેમના એકમ/સંસ્થા ખાતે ખાલી જગ્યા માટેની જોબ પ્રોફાઈલ વિશે ઉમેદવારોને વિસ્તૃત માહિતી આપેલ હતી, ત્યારબાદ આ નોકરીદાતાઓ દ્વારા ઉમેદવારો માટે ઈન્ટરવ્યું પ્રક્રિયા હાથ ધરવામાં આવેલ હતી. જેમાં હાજર રહેલ ૧૭૦ ઉમેદવારોના શૈક્ષણિક લાયકાત, વય મર્યાદા, અનુભવ તથા આવડતના આધારે ૧૪૪  રોજગાર વાંચ્છુંઓની પ્રાથમિક પસંદગી કરવામાં આવેલ હતી, અને તેમને ફરી બીજા રાઉન્ડ માટે બોલાવવામાં આવશે. તદઉપરાંત રોજગાર કચેરીનાં કાઉન્સેલરો દ્વારા કારકિર્દી માર્ગદર્શન તથા મોડેલ કેરિયર સેન્ટર અને એન.સી.એસ પોર્ટલનું પ્રચાર પ્રસાર કરવામાં આવ્યું હતું. આ ભરતીમેળામાં બહોળી સંખ્યામાં ઉમેદવારોએ લાભ લીધો હતો.