જામનગરમાં બુદ્ધ વિહાર કોલોનીમાં રહેતા એક યુવાન પર ગઈકાલે મકરસંક્રાંતિના દિવસે જૂની અદાવત નું મનદુ:ખ રાખીને પાડોશમાં રહેતા શખ્સે માથામાં ફિરકી ફટકારી ઈજા પહોંચાડી હતી.
જામનગરમાં બોમ્બે દવા બજાર કોલોની નજીક બુદ્ધ વિહાર ચોકમાં રહેતા ગૌતમ બલીરામ ગાવડે નામના ૩૨ વર્ષના મરાઠી યુવાન પર ગઈકાલે મકરસંક્રાંતિના તહેવારના દિવસે જૂની અદાવતનું મનદુ:ખ રાખીને પાડોશમાં રહેતા વિજય ઉર્ફે ડોમો દૂધે નામના શખ્સે માથામાં ફિરકી ફટકારી ઇજા પહોંચાડી હતી, જેથી યુવાનને લોહી નિતરતી હાલતમાં સારવાર માટે જામનગરની જી.જી. હોસ્પિટલમાં લઈ જવાયો હતો.
આ હુમલાના બનાવ અંગે ગૌતમભાઈની પત્ની ‚પાલીબેને હુમલાખોર વિજય દૂધે સામે ફરિયાદ નોંધાવતાં પોલીસે હૂમલા અંગેની ફરિયાદ નોંધી ભાગી છૂટેલા આરોપીની શોધખોળ હાથ ધરી છે.