જામજોધપુરમાં વર્લીબાઝ રોકડ સાથે પકડાયો

જામનગરના કાલાવડ નાકા બહાર રંગુનવાલા હોસ્પીટલ પાસે જાહેરમાં એકી બેકીનો જુગાર રમતા બે શખ્સોને સાડા પાંચ હજારની રોકડ સાથે દબોચી લીધા હતા, જયારે જામજોધપુર ધર્મશાળા પાસે જાહેરમાં વર્લી મટકાનો જુગાર રમતો એક શખ્સ ઝપટમાં આવ્યો હતો.
જામનગરના સતવારા વાડમાં રહેતા વેપારી મુસ્તુકા સીદીક બોકસવાલા અને મુલ્લામેડી રોડ બર્ધનચોકમાં રહેતા વેપારી મહમદ અનશ અબ્દુલ કરીમ વાડીવાલા આ બંને શખ્સો કાલાવડ નાકા બહાર જાહેરમાં ચલણી નોટના નંબર પર આંકડા બોલીને એકી બેકીનો જુગાર રમતા સીટી-એ પોલીસે રોકડા ૫૫૦૦ સાથે પકડી લીધા હતા.
અન્ય દરોડામાં જામજોધપુરના ટેલીફોન એકસચેન્જ પાછળ રહેતા મોમાયા રાણાભાઇ ધારાણી નામના શખ્સને ધર્મશાળા નજીક જાહેરમાં વર્લી મટકાના આંકડાનો જુગાર રમતા સ્થાનીક પોલીસે એક ચિઠ્ઠી, ૯૫૦ની રોકડ સાથે દબોચી લીધા હતા.