પ્રાઇવેટમાં નોકરી કરવાની પરિવારજનોએ ના પાડતા લાગી આવવાથી પગલુ ભર્યુ

જામનગરના ઢીચડામાં રહેતી એક યુવતિએ ઝેરી દવા પીને મોત મીઠુ કરી લેતા શોકની લાગણી ફેલાઇ ગઇ છે, તેણીને પ્રાઇવેટ નોકરી કરવી હોય પરંતુ પરિવારજનોએ ના પાડતા આ બાબતનું માઠી લાગવાથી પગલુ ભરી લીધુ હતું.
જામનગર તાબેના ઢીચડા ગામમાં રહેતી મંજુલાબેન ભગવાનજીભાઇ કટેશીયા (ઉ.વ.૧૯) નામની યુવતિ ગત તા. ૫ના રોજ પોતાના ઘરે જમતા હતા ત્યારે તેણીએ પ્રાઇવેટ નોકરી કરવી હોય તેવી વાત કરતા ઘરના સભ્યોએ ના પાડી હતી અને સરકારી નોકરી મળે તો કરજે તેમ કહયુ હતું જે બાબતે તેણીને લાગી આવતા ઝેરી દવા પી લેતા સારવારમાં લઇ જવામાં આવેલ જયાં તેણીનું મૃત્યુ થયું છે. આ બનાવ અંગે જાણ કરવામાં આવતા બેડી મરીન પોલીસ દ્વારા આગળની કાર્યવાહી હાથ ધરવામાં આવી હતી.