સ્થાનિક સ્વરાજ્યની ચૂંટણીઓને લઈ મહત્વના સમાચાર સામે આવ્યા છે. સૂત્રો પાસેથી મળતી માહિતી પ્રમાણે આવતા અઠવાડિયામાં ચૂંટણી જાહેર થઈ શકે છે. બજેટ સત્ર શરૂ થાય તે પહેલા ચૂંટણી પ્રક્રિયા પૂર્ણ થવાની પૂરેપૂરી શક્યતા હાલ તો સેવાઈ રહી છે. ઉલ્લેખનીય છે કે ખેડા જિલ્લા પંચાયત, જૂનાગઢ મહાનગરપાલિકાની સામાન્ય ચૂંટણી યોજાશે સાથો સાથ 73 નગરપાલિકાઓની સામાન્ય અને પેટાચૂંટણીઓ પણ જાહેર થશે.

મળતી માહિતી પ્રમાણે આવતા અઠવાડિયામાં ચૂંટણી જાહેર થઈ શકે છે. 21 જાન્યુઆરીએ આખરી મતદાર યાદી પ્રસિદ્ધ થશે. જે બાદ એટલે કે 21 જાન્યુઆરી પછી તરત જ ચૂંટણીઓ જાહેર થઈ શકે છે. 22 અથવા 23 જાન્યુઆરીએ ચૂંટણીઓ જાહેર થવાની શક્યતા હાલ તો સેવાઈ રહી છે.