દેશ અને દુનિયાભરમાંથી લાખો ભક્તો મહાકુંભમાં સ્નાન કરવા આવી રહ્યા છે. આ ભારે ભીડને ધ્યાનમાં રાખીને મહાકુંભ ઓથોરિટીએ ભક્તો માટે કેટલીક મહત્વપૂર્ણ સૂચનાઓ જાહેર કરી છે. આ સૂચનાઓનું પાલન કરીને તમે સુરક્ષિત અને સુખદ યાત્રા કરી શકો છો.

મહાકુંભ ઓથોરિટીએ બુધવારે આવતી મૌની અમાવસ્યા અંગે એક એડવાઈઝરી જાહેર કરી છે. ભક્તોને સલામતીના નિયમોનું પાલન કરવા અને અધિકારીઓને સહયોગ કરવા અપીલ કરવામાં આવી છે. 

મહત્વની સૂચનાઓ:

નિર્ધારિત માર્ગોનું પાલન કરો: સંગમ ઘાટ પર પહોંચવા માટે નિર્ધારિત માર્ગોનો ઉપયોગ કરો. ભીડને કારણે અન્ય કોઈ માર્ગ ન અપનાવો.

ઘાટ પર લાંબો સમય ન રહો: સ્નાન કર્યા બાદ તરત જ ઘાટ છોડી દો અને નિર્ધારિત માર્ગે પાછા આવો. ઘાટ પર લાંબા સમય સુધી રહેવાથી ભીડ વધી શકે છે.

સલામતીના નિયમોનું પાલન કરો: ઘાટ પર બેરિકેડ્સ અને પુલ પર ઉતાવળ ન કરો અને ધક્કામુક્કી કરવાનું ટાળો.

પોલીસને સહકાર આપો: પોલીસ દ્વારા આપવામાં આવતી સૂચનાઓનું પાલન કરો અને કોઈપણ સમસ્યા માટે તેમની મદદ લો.

સોશિયલ મીડિયા પર ખોટી માહિતી ફેલાવવાનું ટાળો: ખોટી માહિતી ફેલાવીને અન્ય લોકોને ગેરમાર્ગે દોરશો નહીં.

વહીવટી તંત્ર દ્વારા કરવામાં આવેલી વ્યવસ્થા:

સુરક્ષા વ્યવસ્થા: મહાકુંભમાં સુરક્ષા માટે પુરતી વ્યવસ્થા કરવામાં આવી છે. પોલીસ, હોમગાર્ડ અને અન્ય સુરક્ષા દળો તૈનાત છે.

ટ્રાફિક વ્યવસ્થા: ભીડને નિયંત્રિત કરવા માટે ટ્રાફિક વ્યવસ્થા ગોઠવવામાં આવી છે.

આરોગ્ય સુવિધાઓ: ઘાયલો અને બીમાર લોકો માટે તબીબી સુવિધાઓ ઉપલબ્ધ છે.