વાહન ચાલકોમાં ટ્રાફિક નિયમોનું વારંવાર ઉલ્લંઘન કરી, મેમો ચૂકવીને છટકી જવાની ચાલકોની નીતિના પગલે દેશભરમાં અકસ્માતોની સંખ્યા વધી રહી છે, આથી કેન્દ્ર સરકાર નિયમો વધુ કડક બનાવવાની દિશામાં કામ કરી રહી છે. આગામી ચોમાસું સત્રમાં નવો ટ્રાફિક કાયદો પણ આવશે જે ચાલકો પર લગામ કસી શકે.કેન્દ્ર સરકાર ટ્રાફિક વ્યવસ્થાપનને સુધારવા માટે ડ્રાઇવિંગ લાઇસન્સ રિન્યુઅલ માટે ફરીથી ટેસ્ટ લેવાની યોજના બનાવી રહી છે. નવા પ્રસ્તાવ હેઠળ, વારંવાર ટ્રાફિક નિયમોનું ઉલ્લંઘન કરનારા અને અનેક દડં મેળવનારાઓને તેમના લાઇસન્સ રિન્યુ કરાવતા પહેલા બીજી ડ્રાઇવિંગ ટેસ્ટ આપવી પડી શકે છે. સરકાર માને છે કે આનાથી લોકોને ટ્રાફિક નિયમોનું પાલન કરવા અને માર્ગ અકસ્માતોમાં ઘટાડો કરવા માટે પ્રોત્સાહિત કરવામાં આવશે. આ દરખાસ્તને પ્રારંભિક મંજૂરી મળી ગઈ છે અને સંસદના ચોમાસા સત્રમાં રજૂ કરવામાં આવી શકે છે.અકસ્માત પીડિતોને વળતર માટે વધુ રાહ નહીં જોવી પડે
માર્ગ અકસ્માત પીડિતોને ઘણીવાર વળતર માટે લાંબો સમય રાહ જોવી પડે છે. તેથી, સરકાર તેમના માટે નવા નિયમો રજૂ કરવાનું વિચારી રહી છે. આનાથી મોટર અકસ્માત દાવા ટિ્રબ્યુનલને અંતિમ નિર્ણય આવે તે પહેલાં માર્ગ અકસ્માત પીડિતો અથવા તેમના પરિવારોને વચગાળાનું વળતર આપવાની સત્તા મળી શકે છે.નિયમોમાં વધુ ફેરફારો આવશે
પ્રસ્તાવિત સુધારાઓમાં સસ્પેન્ડેડ ડ્રાઇવિંગ લાઇસન્સ માટેના નિયમોને કડક બનાવવા, વીમા નિયમોમાં ફેરફાર કરવા અને ચોક્કસ કિસ્સાઓમાં અપીલ ફીમાં વધારો કરવાનો પણ સમાવેશ થાય છે. સરકાર માને છે કે આ ફેરફારો લોકોને ટ્રાફિક નિયમોનું પાલન કરવા, બેદરકારીભર્યા માર્ગ અકસ્માતો ઘટાડવા અને માર્ગ સલામતીમાં સુધારો કરવા માટે પ્રોત્સાહિત કરવાનો છે. જો સંસદ દ્રારા મંજૂરી આપવામાં આવે, તો આ તાજેતરના વર્ષેામાં ભારતના ટ્રાફિક નિયમોમાં એક મોટો ફેરફાર હશે.