ગુજરાતમાં ૧૬મી માર્ચ પહેલાં આઇપીએસ અધિકારીઓની બદલીઓ તોળાઇ રહી છે. રેન્જ આઇજીના નામોમાં અટવાયેલી બદલીઓ હવે લગભગ કિલયર થઇ ચૂકી છે. ગૃહ વિભાગના ટોચના સૂત્રોએ જણાવ્યું હતું કે લોકસભાની ચૂંટણી જાહેર થાય તે પહેલાં પોલીસ વિભાગમાં બદલીઓ સાથે પ્રમોશનના ઓર્ડર પણ જાહેર થવાની સંભાવના છે.
લાંબા સમયથી જેની આતુરતા પૂર્વક રાહ જોવામાં આવી રહી છે તે પોલીસની બદલીઓ સચિવાલયમાં ચર્ચાનું કેન્દ્ર છે. રાજયના કેટલાક જિલ્લાના એસપી, શહેરોના પોલીસ કમિશનર, પોલીસ ભવન અને વિવિધ શાખાના અધિકારીઓ, રેન્જ આઇજી તેમજ મહત્વની ખાલી જગ્યાએ નવી નિયુકિત થવાના અણસાર છે.

પોલીસ વિભાગમાં એક જ જગ્યાએ ત્રણ વર્ષ કે તેથી વધુનો સમય થયો છે તેના અધિકારીઓને બદલવા માટે ભારતના ચૂંટણી પંચે રાય સરકારને આદેશ કર્યેા હતો પરંતુ પોલીસની બદલીઓમાં વિલબં થયો છે પરંતુ હવે સરકારમાં ઉચ્ચકક્ષાએ અધિકારીઓના નામોની ચર્ચા થઇ ચૂકી છે.આ ફેરબદલ માટે રાજય સરકાર દ્રારા ચૂંટણી પંચમાં વધુ સમય માગવામાં આવ્યો હતો પરંતુ હવે તેની અવધિ પણ પૂર્ણ થવા આવી છે. આ સાહમાં જ લોકસભાની ચૂંટણી જાહેર થવાની છે ત્યારે મુખ્યમંત્રી કાર્યાલય અને ગૃહ વિભાગમાં ચહલ–પહલ જોવા મળી રહી છે. ચૂંટણી આચાર સંહિતા પહેલાં પેન્ડીંગ બદલી એકસાથે કરવામાં આવશે.