મહુવા તાલુકાના ગ્રામ્ય વિસ્તાર માં શિકારી ટોળકી ફરી એક વખત સક્રિય થઈ છે.થોડા સમય પૂર્વે પક્ષોએ ને મારવાના બનાવ બન્યા હતા. મહુવા તાલુકાના લોંગડી ગામે નાળા નીચે ગત રાત્રીએ અજાણ્યા શખ્સોએ કબૂતરનો શિકાર કરતા હોવાની જાણ થતા ગૌ-રક્ષક દિલીપભાઈ ચૌહાણ સહિતની ટીમે દોડી જઈ પડકારતા પાચેક શખ્સો અંધારાનો લાભ લઈ નાસી છૂટયા હતા.

 જોકે લોકોએ લોયંગા ગામ સુધી શખ્સોનો પીછો કર્યો હતો પરંતુ હાથ લાગ્યા ન હતા. બાદમાં આઠ જેટલા કબૂતર મૃત હાલતમાં જોવા જોવા મળ્યા હતા. જયારે ત્રણેક કબૂતર જીવંત હાલતમા મળી આવ્યા હતા. આ ઉપરાંત સ્થળ પરથી કબૂતરનો શિકાર કરવા માટેના સામાન સાથેની થેલી મળી આવી હતી. ઘટનાથી ગ્રામજનોમાં ભારે રોષ ફેલાયો હતો. સાથે વન વિભાગ દ્વારા શિકારી શખ્સોને પકડી લેવામાં આવે તેવી માંગ કરી હતી.