ધોરાજીના નાની પરબડી ગામ અને નાની સાંકળી વચ્ચે આવેલ ઘણા સમયથી બંધ હાલતમા પડેલી નિસાન નામના પ્લાસ્ટીક કારખાનામા પાણીના ટાંકામાંથી માનવ કંકાલ ખોપડી મળી આવી હતી.

આ ઘટના મા ધોરાજી પોલીસ, પીએસઆઈ, પીઆઈ, ક્રાઇમ બ્રાંચ, ફોરેન્સિક બ્રાંચ ટીમ, મામલતદાર તંત્ર અને મેડિકલ ની ટીમ તાત્કાલિક ઘટના સ્થળે પહોંચી હતી. અત્યારે આ માનવ કંકાલ ખોપડી કબ્જે કરેલ છે અને ફોરેન્સિક રીપોર્ટ અને આગળની તપાસ માટે મોકલવામાં આવી છે. હાલ આ ઘટનાને લઈને નાની પરબડી પંથકમા મોટો મુદ્દો બની ગયો છે અને બધે જ તેની ચર્ચા થઇ રહી છે. આ ખોપડી મળી છે તે કોની છે અને હત્યા થઈ છે કે અન્ય કોઈ કારણથી ત્યાં પહોંચી છે તેની તપાસ પોલીસ તંત્ર કરી રહ્યું છે.