નેશનલ ડેમોક્રેટિક એલાયન્સ (NDA) સંસદીય દળની બેઠકમાં તમામ નેતાઓએ PM પદ માટે નરેન્દ્ર મોદીના નામના પ્રસ્તાવને મંજૂરી આપી દીધી છે. નરેન્દ્ર મોદી 9 જૂને વડાપ્રધાનના શપથ લેશે. ત્યારે બધાને અત્યારે એ જાણવાની ઉત્સુકતા છ કે સંસદમાં વિરોધ પક્ષના નેતા કોણ હશે? વિપક્ષના નેતા (LOP) કોણ બની શકે છે અને તેમને શું સુવિધાઓ મળે છે એ જાણવું જોઈએ.
વિરોધ પક્ષના નેતા
વિપક્ષના નેતા એટલે કે એ નેતા જે વિપક્ષમાં બેસે છે. જો કે જે પાર્ટીની પાસે ગૃહની કુલ બેઠકોના 10 ટકા છે. તે જ પક્ષના સાંસદને સર્વસંમતિથી વિરોધ પક્ષના નેતા તરીકે ચૂંટવામાં આવે છે. જો કોઈ વિપક્ષી પાર્ટી પાસે કુલ સીટોના 10 ટકા સીટ નથી તો ગૃહમાં તે પાર્ટીના કોઈ વિપક્ષી નેતા બેસી શકે નહી.
વિરોધ પક્ષના નેતાની શક્તિ
વિપક્ષના નેતા જાહેર હિસાબ, જાહેર ઉપક્રમો વગેરે જેવી ઘણી મહત્વપૂર્ણ સમિતિઓના સભ્ય છે. ઘણી સંયુક્ત સંસદીય પેનલમાં હોવા ઉપરાંત,વિપક્ષના નેતા પણ પસંદગી સમિતિઓનો એક ભાગ છે. જે એન્ફોર્સમેન્ટ ડિરેક્ટોરેટ (ED) અને સેન્ટ્રલ બ્યુરો ઓફ ઇન્વેસ્ટિગેશન (CBI) જેવી કેન્દ્રીય એજન્સીઓના વડાઓની નિમણૂક કરે છે. આ સાથે તે સમિતિઓના સભ્ય પણ છે જે સેન્ટ્રલ વિજિલન્સ કમિશન અને સેન્ટ્રલ ઇન્ફર્મેશન કમિશન જેવી સંસ્થાઓના વડાઓની નિમણૂક કરે છે.
આ પદ 2014થી ખાલી છે
2014 અને 2019માં ભાજપે બહુમતી સાથે સરકાર બનાવી હતી. ત્યારે કોંગ્રેસના નેતૃત્વ હેઠળના સંયુક્ત પ્રગતિશીલ ગઠબંધન(યુપીએ)ને 10 ટકા બેઠક પણ મળી નહોતી. જેના કારણે કોઈ નેતા સંસદમાં વિપક્ષના નેતા બની શક્યા નહીં.
વિપક્ષના નેતાનો પગાર
લોકસભામાં વિપક્ષના નેતાનું પદ કેબિનેટ મંત્રીના સમકક્ષ છે. આ પોસ્ટ ખૂબ જ મહત્વપૂર્ણ માનવામાં આવે છે. આ પદ સંભાળનાર વ્યક્તિને કેન્દ્રીય મંત્રી જેટલો પગાર,ભથ્થાં અને અન્ય સુવિધાઓ મળે છે. માહિતી મુજબ વિપક્ષના નેતાને દર મહિને 3,30,000 રૂપિયાનો પગાર મળે છે. આ સિવાય કેબિનેટ મંત્રીને રહેઠાણના ધોરણનો બંગલો અને કાર સાથે ડ્રાઈવર મળે છે. આ સિવાય વિપક્ષના નેતાને 14 વ્યક્તિઓ જેટલો સ્ટાફ મળે છે. જેનો ખર્ચ સરકાર ઉઠાવે છે. સંસદ ભવન સિવાય વિપક્ષના નેતા પણ અનેક મહત્વના મુદ્દાઓ પર વડાપ્રધાન સાથે મુલાકાત કરે છે અને ચર્ચા કરે છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોદી સરકાર નક્સલવાદ સામે મોટા ઓપરેશનની કરી રહી છે તૈયારી, અમિત શાહ દિલ્હીમાં બનાવશે માસ્ટર પ્લાન
October 05, 2024 08:16 PMNobel Prize 2024: આવતા અઠવાડિયે નોબેલ પુરસ્કારની થશે જાહેરાત, જાણો કોનું થશે સન્માન...
October 05, 2024 08:15 PMએક સાથે પંદર હોમગાર્ડઝ સભ્યોને ફરજ મોકૂફ અને એક સભ્યને બરતરફ કરતાં જામનગર જિલ્લા હોમગાર્ડઝ કમાન્ડન્ટ
October 05, 2024 06:52 PMCopyright © 2023-2024 Aajkaal Daily
Developed by Rhythm Infotech