બ્રેસ્ટ કેન્સર સામેની લડાઈ લડી રહેલી ટીવી એક્ટ્રેસ હિના ખાને સોશિયલ મીડિયા પર પોતાનો એક નવો વીડિયો શેર કર્યો છે. વીડિયોમાં જોઈ શકાય છે કે અભિનેત્રીએ આ બીમારીની સારવાર માટે પોતાના વાળ કપાવ્યા છે. વાળ કપાવવા છતાં હિના ખાને વિશ્વાસપૂર્વક તેનો આખો વીડિયો ચાહકો સાથે સોશિયલ મીડિયા પર શેર કર્યો છે.

હિના ખાને બ્રેસ્ટ કેન્સરની સારવાર માટે કપાવ્યા વાળ

શેર કરેલા વીડિયોમાં હિના ખાને એક લાંબુ કેપ્શન લખ્યું છે, જેને વાંચીને દરેક લોકો ભાવુક થતા જોવા મળે છે. અભિનેત્રીએ લખ્યું- 'તમે મારી માતાને રડતા સાંભળી શકો છો. મને આશીર્વાદ આપ્યા કારણકે તેણે પોતાને એવું કંઈક જોવા માટે તૈયાર કરી, જેની તેણે ક્યારેય કલ્પના કરવાની હિંમત કરી ન હતી.

હિનાએ આગળ લખ્યું કે ખાસ કરીને તે મહિલાઓ માટે જે એક યુદ્ધ લડી રહી છે. હું જાણું છું કે તે મુશ્કેલ છે, હું જાણું છું કે આપણામાંથી મોટાભાગના લોકો માટે, આપણા વાળ એ તાજ છે જેને આપણે ક્યારેય ઉતારતા નથી . પરંતુ જો તમે આવી બીમારીનો સામનો કરી રહ્યા હોવ તો તમારે તમારા વાળ - તમારું ગૌરવ, તમારો તાજ ગુમાવવા પડે? જો તમારે જીતવું હોય તો તમારે કેટલાક મુશ્કેલ નિર્ણયો લેવા પડશે અને હું જીતવાનું પસંદ કરીશ.

'આત્માએ અખંડ રહેવું જોઈએ'

હિનાએ આગળ લખ્યું- 'મેં આ યુદ્ધ જીતવા માટે મારી જાતને દરેક સંભવિત તક આપવાનું નક્કી કર્યું છે. હું મારા સુંદર વાળ ખરતા પહેલા જ કપાવી નાખવા માંગુ છું. હું કેટલાંક અઠવાડિયા સુધી આ માનસિક સ્થિતિ સહન કરવા માંગતી નહોતી. તેથી મેં મારો તાજ છોડવાનું પસંદ કર્યું છે. કારણકે મને સમજાયું કે મારો અસલી તાજ મારી હિંમત, મારી શક્તિ અને મારા માટેનો મારો પ્રેમ છે અને હા મેં આ વસ્તુ માટે સારી વિગ બનાવવા માટે મારા વાળનો ઉપયોગ કરવાનું નક્કી કર્યું છે. વાળ પાછા આવી જશે, આઈ બ્રો પાછી આવી જશે, ઘા સાજા થઇ જશે, પરંતુ આત્મા અખંડ રહેવી જોઈએ.

હિનાને જોઈને માતાને ખરાબ લાગ્યું અને તે રડવા લાગી.

તેના વાળ કપાવતી વખતે વીડિયોમાં હિનાએ આગળ લખ્યું  કે હું મારી વાર્તા, મારી જર્ની રેકોર્ડ કરી રહી છું, જેથી એ સુનિશ્ચિત કરી શકાય કે મારી જાતને અપનાવવાના મારા પ્રયાસો દરેક સુધી પહોંચે. જો મારી વાર્તા કોઈના જીવનનો એક દિવસ પણ સારો બનાવી શકે છે, તો તે મૂલ્યવાન છે. આ દિવસ એવા લોકો વિના પૂરો થયો જ ગણાય કે જેમણે મને દરેક સુખ અને દુ:ખમાં સાથ આપ્યો છે.. રોકી જયસ્વાલ, મારી માતા અને દ્વેયશને મારી આ નવા હેયર કટ ગમ્યા છે. ભગવાન આપણા સૌનું દુઃખ ઘટાડે અને જીતવાની તાકાત આપે. અમને. મારા માટે પ્રાર્થના કરજો.